Parekerdişê resimî suc o

Îdarekarê Partîya HDPyî yê qezaya Datça ya Mugla Abdullah Çîçeko ke 11ê çileyê 2017î de amebî tepiştiş, 13ê çileyî de bi îdîaya ‘propagandaya rêxistine kerdişî’ ra amebî tewqîfkerdiş. Çîçekî seba ke 27ê teşrîna verêne de fotografê Hemserekê HDPyî Selahattîn Demîrtaşî û Ebu Leylayo ke têkoşînê xo yê vera DAIŞî de bîbî sembol, ser hesabê facebookî ra pare kerdo, derheqê Çîçekî de ceza ame waştiş. Heto bîn ra seba ke Çîçekî hesabê xo ser ro vato ‘of of na xerîbî do key biqedîya, mi zaf bêrîya Riha û merdimê ma yê ke kurdî qisey kenî, kerdo. Êdî Marmarîs û Datça mi fetisnenî’ û bi flamayê rengê keske, sûr û zerd fotograf anto, nêyî sey delîlê sucî hesibîyayî.  

MÛGLA