Konferans îsal di 3-5’ê sibatê de li bajarê Munîhê bi serokatiya Misteşarê berê yê Wezareta Parastinê yê Almanyayê Wolfgang Ischinger tê lidarxistin. Di konferansê de dê zêdebûna girîngiya Asyayê, bandora krîza aborî ya li ser ewlekariyê, rola Almanyayê li ser polîtîkaya cîhanê, ewlekariya înternetê bêne gotûbêjkirin.
Dê bi qasî zêdetirê 40 wezîrên parastinê û wezîrên derve yên cîhanê amade bibin. Dê nûnerên Wezîra Karên Derve ya DYA Hilary Clinton û nûnerên NATO’yê jî beşdar bibin.
Di konferansa ku dê gelek wezîrên karên derve û parastinê yên cîhanê beşdar bibin de, dê projeya mertalên fuzeyan a di navbera NATO û Rûsyayê de bê gotûbêjkirin.
Hêjayî gotinê de ku ev konferans di demekê de wiha pêk têk u rojhilata Navîn û hemû welatên derdorê di nava liv û tevgereke nedîtî de ye û dem dema şoreşa gelane.
Di vê demê de welatên desthilatdarên cîhanê jî dikevin nava tir û fikaran û ji bo parastina bercewendiyên xwe li plansaziyên nû digerin. Welatên desthilatdar ên ku dixwazin cîhan li gorî bercewendiyên wan bê plankirin ketine nava tevgerê û dixwazin alîgirên xwe li şûna wan rejîmên ku hildiweşin bicih bikin.


 MUNÎH