4ê Nîsan roja biyayenê Rayerê Şarê Kurd Abdullah Ocalan’î de, Dersim de rîwalê ke pasteyê bi resîmê Ocalan’î viraştê û sîparîş kerdê, derheqê 3 kesan de dawa akerdî. Roniştenê diyîn yê dawa ewro mahkemeyê cezayê giran yê Dersim de yena vîniten. Îdianameyê dawa ya ke verra wendekarê zangeyê Dersim Zana Zîrek û gurekarê pastexane Engîn Ay û Sînan Tekîn’î de abiya de, bi îdiayê ‘azabiyînê rêxistin’ yenê sûcdar kerdin. Pawitoxê Zîrek, Ay û Tekîn’î Înan Yilmaz’î sûcî ra nêrazîbiyen damusnay û aşkere kerd ke, rîwale jew paste hendayî ceza dayiş hetê hiqûqî şermê do gird o. Yilmaz’î viraştiş û werdişê pasteyî zey ‘sûcê teror’ bi name kerdiş rê nêrazîbiyen damusna û niya va: Eleqeyê eno aktivîte bi azabiyîna rêxistina terorî çîno. Rîwalê werdiş û cikerdişê jew paste ra hendayî ceza dirûmê do şermî yo.
DÎHA/DERSIM