No warî de qet qirkerdişê faşîzma AKPe nêşuxilnenê na medya ya zurker. Dewlete heme çîyo qirêjî kena û şarî qetil kena, gedeyan û cenîyan qetil kena, heme kesî bêsuval û bêsûcî ra tepîşene kena zindan. Labelê no hewa qirêjî faşîzma AKPe bikero se meşrû yo. No warî de eke şarê kurdî bi rewşa xozayî ra xo bipawo se sûc o û cezaya no sucî zî merg û qirkerdiş o. No hewa bi rewşa xozayî ra her çîyo ganî xo rewşa xozayî ra paweno.
Qetilkar AKP yo
Dinya de heyana ewro no hewa rewşa pawitişê xozayî bîya û ewro zî dewam kena. Verê coyê nêbîyayîşê dewlete ra heme komelê xo no tewr pawitiş kerdê. Ewro zî hînê şarê kurdî wazeno ke xo bi xo îdare bikero û bipawo.Heyana ewro faşîzma AKPe kamik qirkerdiş kerdo se û înan rê kar mendo. Ewro zî nê qirkerdişanê xo ra dewam kenî. Faşîzma AKPe wazena ke şarê kurd eynî hewayê qurbanîya mêşna sereyê xo birano û faşîzma AKPe zî sereyê kurdan hewayê qurbanê mêşna bibirno û wexto ke şarê xo bi rewşa xozayî ra pawit zî hetê AKP ra qîyamete qerfîyena. Faşîzma AKPe aşma hezîrane ra tepîşe heyana ewro tewr qirkerdişo gird viraştî û qet netîceyê nê qirkerdişan de faîl dîyar nêbîyo. Eke qirkerdişê Pirsûsî, Amedî, Enqere dîyar nêbî yo se o wext qetilkar û sûcdar AKP yo.
Qirkerdişê Roboskî bi rewşa aşkerayî ra kerd û no warî de qet yew hasab nêda. O wext dewlet çîya? Mademkî dewlet û hukimat ma nêpaweno se û heme nê qirkerdişên xişnan dîyar nêkeno se? O wext hînê mana dewlete nêmenda û dewlete meşrûyîtê xo vinî kerdo. Pawitişê xozayî heq û tebî yo. No warî de bi rewşa xozayî ra her kes eşkeno ke hewayê her ganî xo bipawo.
AKP Kurdistan de meşrû niya
Şarê kurdî herema Kurdistanî de bi seyî ra heştay hewtay neway weçînayîşî de wekîlî û serekê şaraderîyanê xo weçînayo. Hînê hewayê verî AKP nêeşkena ke bivajo kurdan mîyanî de 70 wekîlê min esta û ez kurdan temsîl kena. Hînê Kurdistanî de temsîlîyetê AKPe qedîya yo. AKP hînê Kurdistanî de gayrî meşrû ya. Bi tena rolê AKPe Kurdistan de kolonîya qetilkar a. Bi rewşa zorakî ra hînê heskerdiş û zewaj nêbeno. Hînê nê dewir padîya yo. Hînê şar wazeno ke xo bi xo îdare bikero. No warî de ma kurdan mîyanî de korê nezanî estî vanê; kora ra vejîyay nê aşênayîşê hendarikan û nê hendarikî zerar danê şarê ma; No tewr vatiş zî bi rewşa nezanîya, rewşa teslîmîyetî ya. Wila nê vatiş; rind o; Ez to kişena, qetil kena, tepîşena, kena zindan û qet hesabê yew qirkerdişî nêdana û ti zî vaje; kora ra vejîyay nê hendarikî û xoverdayîşê barîqatan.
Heqê xopawitişe
Sîyasete de û polîtîka de bi rewşa hesabkerdişê matematîkî nêbena. No tewr hesabkerdiş rewşa şaşîya û apolîtîkî ya. No tewr polîtîka netîce de çi kar çi zerar kerd û no tewr nîno hesabkerdiş. Bi muhîmî ra rewşa serkewtişê polîtîk a. No warî de Colemerg de, Cîzir, Amed Mêrdîn de û zaf qezayan de xoverdayîşê pawitişê cewherî her roj nê pawitiş ceribnayîşê pawitişê esasî yo. No xoverdayîş muhtewaya polîtîkî û sîyasî ya. Mîyanê no xoverdayîş de hesabê kar û zerarî çinî ya. Xoserîya demokratîkî de tewr linga muhîmî pawitişê esasî yo. Nê pawitişê esasî her wext bedilyena û ray ray xoverdayîşê çalakîya bêîtatîya sîvîlî ya û ray ray zî xoverdayîşê şîdetê çekan o. Ewro faşîzma AKPe xoverdayîşê çalakîya bêîtatîya sîvîlî ra tahammul nêkena û rewşa şîdetê faşîzm gurênena. No warî de zî qabê şarê kurdan ra zî sewbîna tewr weçînayîş nêmaneno. No warî de bi tena hemverê faşîzm ra bi tena weçînayîş xo pawitiş o. No warî de bi tena yew şaşî esta; rayvistişî û organîze çinî yo.
NAVENDÊ XEBERAN
Veng bidê û wayîrê şarê xo bivejîyê
Eke rayvistişî û organîze bibînê se faşîzma AKPe hende nêeşkanê ke har bibo û nê qirkerdişan bivirazo. Eke Clemerge de, Mêrdîn Nisêbîn de, Amed de, Farqîn de, Sûr de xoverdayîş beno û AKP zî qirkerdiş virazena. Korê zanayeyî zî cila xona peşmêne û germi de rakewnê û hînê no tewr bes nîyo sewbîna tewr zerzekey kenê se. No tewir rewşe qet exlaqî û etîk nîya.
Eke eyê ke nê tewr fikiryenê û nê rewşe ra razî nîyê se, wa o wext zî eşkenê ke Kurdistanî terk bikerê, şêyrê sewbîna welatê tirkan. La no warî de yewer yewerî ra nêvano çekanê xo bigîre vejîyê teber û şer bikerê. No warî de bi tena bertekê xo yê demokratîke binawnê bes o. Na zî sewbîna tewr no adir heme kesî veşneno.
Wa qet yew nêvajo ez rehet keyê xo de cila pemêşmêna û germe de rakewna û heme çî temaşe kena. Faşîzma AKPe heme kesan hedef gêna, eke kam sereyê xo paja xo ra ya zî berê xo ra bivejo se bi hetê faşîzma AKPe qetil beno. No sebeb ra ganî her kes heyana erey nîyo se, wa veng bidê û wayîr bivejîyê şarê xo ra û şerwananê xo ra.