SAFÎYE ALAGAŞ/JINNEWS/AMED
Seke yeno zanayîş derheqê Parlamentera HDPyî ya Amedî Çaglar Demîrele de 14ê temmuze de Mehkemeya Cezaya Girane ya 5. ya Amedî de dozêk ameye dîyayîş û bi îdîaya ‘endamê rêxistine bîyayene’ ra 7 serrî 6 aşmî ceza dîyaye Demîrele.
Avûkatê Demîrele zî doze de dîyar kerdbî ke destpironêginayîya muwekkîlê înan bi goreyê madeya 83. ya Qanûno bingeyîn çarçewaya usilê ci de nêameya wedarnayîş. Herçiqas ke avûkatî neyî vatî, reyna zî mehkeme vatişê avûkatan sey îdîaye girewte dest.
Avûkatê Demîrele vatî ‘seba ke Demîrele nêardî mehkeme û ceza dayî aye, bi no hawa neheqî ameya kerdiş’ û waştî ke wa Demîrele bîyarî mehkeme. Labelê heyetê mehkeme nê waştişê avûkatan red kerd. Mehkeme seba nê redkerdişî 13ê kanûne de beşdarbîyayîşê Demîrele yê doze sey sebeb nîşan daye. Reyna mehkemeye qiseykerdişê Demîrele çarçewaya azadîya fikrî de nêgirewte dest û ‘endamê rêxistine bîyayene’ ra 6 serrî ceza daye û qasê nîmeyê na ceza zêde kerde. Dima ra halo baş esas girewt û netîce de 7 serrî û 6 aşmî ceza daye Demîrele.
Seke yeno zanayîş Çaglar Demîrele Zîndanê Tîpa Fyî yê Kandira de yena tepiştiş.