Qezaya Colemerg Gever de azayê YPS-Jin pêrokîn taxan de gureyînê barîqat, xendek û pawitenê cewherî ramenê û vera pêrokîn êrişanê dewlet ganê xo kenê sîper, şarê xo seveknenê.
Wext, wextê serhewedayiş o
Azaya YPS-Jin Arjîn Gever hayr ant qetlîam û kerdenanê dewleta Tirk ser û aşkere kerd ke roj, serva azadî wayir vejyayişê serhewedayenan o. Gever ard ziwan nke, sozê ma şehîdanê ma yê Sûr, Cizîr û Sîlopî ra esto: “Ma dê no dişmenî hardê Kurdistan ke îşgal kerdiyê ra vejerê”. Arjîn Gever veng da şarî ke vera herbê qilêrîn, bêwijdan û bêexlaq vejerê meydanan. Hinî wextê serhewedayişan o. Gever va, serva ke bedenê viran yê ceniyanê ma hinî nîro teşîrkerdiş ez tewrê YPS-Jin biya.
Azaya bîn yê YPS-Jin yê qeza Silav Gever da zonayen ke îye de destûr nêdê êrişanê vera xorayverînan yê dewlet. Gever va, ma dê polîtîkayanê qilêrîn yê AKP veng (tol) vejerê û da zonayen ke rayverê şoreşî cenî yê. Silav Gever aşkere kerd ke îye vera terora dewlet pawitenê waştena şarî xorayverînan kenê û wina va: “Ganî ceniyê ke metropolan de yê û pêrokîn şarê ma tewrê qûwetanê YPS-Jin bibo. Vera artêşa tecawizkar yê AKP ganî şarê ma meydanan de bo. Ez serva pawitişê erjayenê şarê ma îta de menda. Ma tiya de bi şarê xo ya piya heqanê xo pawenê.
Veriya ke berey nêbo..
Qûwetanê YPS-Jin ra Arîn Rojhat zî da zonayen ke, a wextê hadreyinê zangehî de tewrê qûwetanê YPS-Jin biya û vist vîrî ke raya verîgirotişê qetlîaman xoverdayişê topyekun o. Rojhat veng da ceniyan ke cayê ke manenê de serhewadê û wina qisey kerd: “Mi nîşkiya vera hewildayenê qirkerdenan de bêveng bimana. Dewleta Tirk her roj şarê ma rê îşkence û zulim kena. Ma wextanê normal ra nêvîrenê ra. Çiyo ke ez bikera YPS-Jin de berzkerdişê tekoşîn bi. Mi zî winî kerd û nê qûwetan de cayê xo girewt.
Azaya YPS-Jin Arîn Rojhat veng da ceniyanê genc ke vera polîtîkayanê qilêrîn tewrê YPS-Jin bibê û va, zewbîn beno ke meşt berey bibo. Rojhat va, ganî cenî endî tifingan hewadê û pawitena xo bigîrê.
DÎHA/COLEMERG