Weçînayişê Baroya Stenbolê ke di mîyanê baroyê dinyayê de baroya herî gird a, bi dirûşmeya ‘Seba komeleyek azad û demokratîk baroya demokratîk’ do pê bêro. Namzetê ODAVê yê weçînayişê Baroya Stenbolê Pwt. Ercan Kanar û Yildiz Îmrek, der heqê proje û xebat û armancê ODAVê ya weçînayişê Baroya Stenbolê de qise kerdî.
ÇARESERÎYA HUQÛQÎ
Namzetê Baroya Stenbolê yê ODAVê Ercan Kanar ard ziwan ke ser na axê gelek pirsgirêkê rêbaza çareserîya huqûqê est o û benda çareserîyê yo. Kanar destnîşan kerd ke wa polîtîkayê zelal bêrê meşnayiş û Baro hetkarî bido no yewê, nêzdîbîyîşê huqûmata AKPê rixne kenî û her çend AKP verê bibo îqtîdar vatê; verba tundî, înkar û îmhayê nê, zî peynî bi îqtîdar pergala dîktatorîyê awan kerd. Kanar ard ziwan ke peynî bi îqtîdar wesayîta MÎTê, qedexeya îfade, raman, azadîyê ard.
Kanar wina vat: “Heqê rixnekerdişê welatijan a verba dewletê qedexe kerd. Heme mafê şar ê demokratîk destê înan girewt. Ser înternet û medyaya elektronîk sansûr ver vist. Hukûmeta hema zî pêameyişê seba pawiyayişê heqê kêmaran ê neteweyî nêqebul kerda. Hema zî fikarê xo yê der heqê Xoserî û Rayverîyê Heremî ê Ewropa holê nêarda.”
Kanar ciresna ke hema zî seba qirkerdişê qebul bikero AKP, UCM nas nêkerdo û wina dewam kerd: “AKP wazena feraseta xo ya dîn bi her kesan bido qebulkerdiş. Hema zî înfazê bê daraz û vînda roşn nêkerda. Hema zî Qirkerdişê Roboskî roşn nêbîyo. Hewna bi feraseta pawitoxê dewletê nêz bena. Qirkerdişê ermenîyan kewt seyserrê 100’an. Hema zî lêborîna xo qirkerdişê Dêrsimî ra nêwaşta.”
ZIWANÊ DAYIKÊ MUHÎM O
Kanar, bal ont ser muhîmîya Baro û wina domna: “Baro sazîyek zaf mûhîm o. Wa baro heqê heme karker, kedkar, bindest, ziwan û şaran bipawo. Wa bieşko qanûnan raşt bikero, rixne bikero û hetkarîyê bido meqanûnê demokratîk.”
Kanar di verdewam qise xo de destnîşan kerd ke ziwanê dayikê zî zaf muhîm o û wina vat: “Eînsteîn vana ziwan mala fikrê yo. Mejî sînorê fikrê bi ziwan nîşan kena. Ziwan nê tena silgerîya qisekerdişê yo. Di her demî de silgerîya hilberîn û xelqkerdişê fikr û hîşî yo. Silgirîya rayvistkerdişî yo. Nika di Tirkîyayê de 32 ziwan çin benî. 15 ziwanê zî nika di binê teluke vînbîyîşî de yê. Ma do no yewê wayîr bivejî û ziwanê dayikê zî bipawê.”
TÊKOŞÎNA PAWIYAIŞÊ
Namzeta Hemsereka Baroya Stenbolê ya ODAVê Yildiz Îmrek zî bal ont ser muhîmî ya hewmserekê û wina vat: “Serekek îfadeya yew a. Hemserek zî îfadeya zaf û dihetî yo. Wa feraseta rayverîya kolektîf û na pergal ca dona temsîlkarîya cenî zî. Baroya Stenbolê di mîyanê baroyê dinyayê de baroya herî gird a. Nê pêkan o bi 10 kesê rayver wezîfeya xo pê bîyarê. Ma pawitox ê û ser heqê komeleyê û kesan waştê. No ser zî goreya armancê rol û mîsyonê xo heqan bipawê û ravyerî zî ona bibo. Têkoşîna ma têkoşîna gêrayiş û pawiyayişê heqan o.”
SEYÎ RA 50 TEMSÎLKARÎ
Îmrek aşkera kerd ke herî kêm di seyî ra 50 temsîlkarî cenî di rayverîyê de bibo û wina domna: “Di lîsteya ma de seyî ra 50’ê zaf o. Rêjeya hûmara cenî ya rayverîyê de seyî ra 70’ê yo. Ma bi heme embazê xo bawerî. Heme pawitoxê têkoşer î. Ma reformê darazê wazenê. Ma wazenê êdî daraz demokratîk bibo û nêzdî şar cayê xo bigêro. No ser zî wa dadger zî hetê şar û bêro weçînayişê.”
Îmrek di peynîya qise kerdişê xo ard ziwan ke bi raştî ameyoxek demokratîk û aştîyayê wazenê wa huqûq û edelet seba her kesî bibo.
Îmrek destnîşan kerd ke baro di no babetê de zaf muhîm o û lazimeya înan bi têkoşînê est o, ODAV di no hetî de do bi rêk û pêk û dîsîplîn, heqê kedkar, bindest, cenî û heme şaran bipawê û hetkarî bidê înan û înan zî têkoşînê xo bidomnê.
ÇAGDAŞ KAPLAN/DÎHA/STENBOL