Çeteyanê PDK ke qetlîama 3ê Tebaxe 2014î de şarê Êzidî ver çeteyanê DAIŞ de tenya verada, vizêr reyna gonîya Êzidîyan rijna. Çeteyanê PDK gule rijnay Şengalijan ser, 1 kesî qetil kerd û 10 kesî zî kerd dirbetin.
Komanê çete yê ke girêdayê PDK yê û 3ê Adare de hêrîşê herêma Şengal Xanesor kerdbî û vizêr reyna reyna gonîya Êzidîyan rijnay.
Bi hezaran Êzidîyê Rojawê Kurdistan û Şengalî ra yê vizêr Xanesor de amey têhet, seba protestokerdenê hêrîşanê PDK, ver bi meterîsanê komanê çete yê PDK kewtî ray. La komanê çete bi tifingan û bombeyanê gazî hêrîşê nûmayîşkaran kerdî. Rîwalê nê hêrîşan herêm açarîya cayê şerî.
Endama Meclîsa TAJÊ şehît kewt
Netîceyê hêrîşan de Endama Meclîsa Tevgera Azadiya Jinên Êzidî (TAJÊ) Nazê Naîf Qaval weşîya xo kerd vinî, 2ê ci rojnameger 15 kes zî bî dirbetin. Mîyanê komanê çete yê ke hêrîş kerdî de kesê rîyê înan yê bi maskeyî zî estbî. Xo ra vejyabi werte ke koma PDK ya bi nameyê ‘Pêşmergeyê Rojava’, hetê lejkeranê Tirk ra amêbî perwerdekerdiş.
ANF/ŞENGAL