ZIRYAN BRADOSTÎ / ANF / SÎDEKAN
Partîya Demokratî ya Kurdîstanî (PDK) serê waştişê dewleta Tirkî ya dagîrkere, çend mesuldarê leşkerîyî seba awankerdişê bendanê kontrolî virazena û grûbêka newî ya çeteyan wezîfedar kena. Goreyê çimeyanê herême ra ameyî girewtene, nê mesuldarê PDKyî Şêx Îmran Hacî, Mihemed Lolanî yo ke birayê Şêx Hisên Lolanî yo û Mamî Erşad o parlementerê PDKyî yo.
Şêx Îmran fermandaranê payeberzan ê leşkerîyan ra yew ê Barzanan o û heman wextî de endamê MÎTê Tirkîya yo. PDK û Tirkîya hem hetê madî û hem zî hetê teknîkî ra îmkanê pîlî dayê Îmranî ke seba ciwananê herêma Bradostî vera PKKyî de bişuxulno. Heman wextî de no kes wazeno ke mîyanê eşîra Bradost û Herkî de terîqeta sofî (Cîhad) ganî bikero. Bi nameyê Îslamî herême de gêreno û şarî ra pereyan arê dano. Nê kesî kura de gerîlayan yan zî wesayîtanê PKKyî bivînê bi rayîrê Parastinî, qereqolanê Lêlikanî û Çiyadêlî yê MÎTî Tirkîya hayîdar kenê.
Gama ke kalikê Şêx Hisênî Şêx Reşîd Lolanî ciwîyayêne vera PDK û dewleta Tirkî ya îşxalkare de bi. Dimayo ke o merd Şêx Hisên û Şêx Îmran bi nameyê xo, qismêkê pîlî yê eşîre û terîqeta xo teslîmê PDK û Tirkîya kerdo. Şêx Îmran seba arêkerdişê şarê herêma Bradostî dormeyê xo de xeylî gêra. La şarê herême karê ajanîya hemverê PKKyî red kerd û bi çetinî cewabê Şêx Îmranî da.
PDK awankerdişê çeteyan de bitecrube yo
Ercêno ke merdim bîyaro vîrî Kurdistan de PDK karê awankerdişê çeteyan de wayîrê tecrubeyêkê pîlî yo. Verê nikayî binê dagîrkerîya dewleta Tirkî de çend grûbê çeteyî awan kerdî û bi rayîrê nê çeteyan çend şorişgêrê pîlî yê Başûrê Kurdistanî, sey Şehîd Mame Rîşe, Şehîd Aram û Şehîd Doktor Sîrwan şehîd kerdî.