2 hewte verê 3 şerwanê enternasyonalîstê YPGyî ke beşdarê Hemleya Azadkerdişê Reqqa bîbî, wextê agêrayîşî de hetê PDKyî ra ameybî tewqîfkerdiş.
Wezîrîya Karê Teberî yê Swêdî vizêr aşkere kerde ke nê şerwanan ra Jesper Soder û Andreas Charalabous serbest veradîyayî. Şerwanan ra Soder çîyê ke cuya, ser hesabê xo yo medyaya komelkî ra pare kerd. Soderî va ‘wexto ke ma agêrayêne, PDKyîyan ma tepişt’ û wina domna: “Her çiqas ke ma bi israr va ma endamê YPGyî zî, reyna zî înan ma eştî zîndanî. PDKyî ma eşt koguşo ke 80 kesî tede estbîy û 30 hebê nê kesan mîlîtan û sempatîzanê DAIŞî bîy. Destûr nêdîya ke ma bi avûkat û keyeyanê xo reyde qisey bikerî. Nika ewja de domanê 14-15 serreyî mîyanê çeteyan de yenî tepiştiş.”
ANF/STOCKHOLM