Dûştê pîyakarîya PDK û AKP nêrazîbîyayîşê Kurdistanijan ramenê. Welatijê ke qezaya Başûrê Kurdistan Kelar de ciwîyenê, hêrîşanê dewleta Tirk yê vera Başûrê Kurdistanî şermezar kerdî. Welatijan aşkere kerdî ke PDK raya vernîya Tirkîye yê Başûrê Kurdistanî akena.
Welatijê herêma Germîyan ke ROJnewsî rê qisey kerdî, rîwalê pîyakarî û îxatena xo PDK îqaz kerdî.
Welatijan ra gencê binameyê Araz Zûrabî vist vîrî ke hêrîşê hewayî yê dewleta Tirkîye bi desteg û raydayîşê partîyanê Başûrê Kurdistanî virazîyenê. Zûrabî aşkere kerd ke eke partîyê sîyasî û şarê Başûrê welat hemverê bombevornayenanê Qendîl bêveng bimano, dûr nîyo ke dewleta Tirk meşt Silêmanî û Xaneqîn zî bombevornayenanê bikero.
‘Teyareyê Tirk sivîlan kişenê’
Welatijan ra Eyad Mihemedî zî waşt ke kiştê sîyasî yê Başûrê Kurdistanî dûştê hêrîşanê dewleta Tirk yê ser Başûr tewir bigîrê. Mihemedî dîyar kerd ke dewleta Tirk bi behaneyê PKK bombe vornena ser herêma Qendîl. La ma vînenê ke nê bombevornayenan de welatijê sivîlî benê qûrban. Eyad Mihemedî zî da zonayen ke PDK ray ver hêrîşanê dewleta Tirk akena.
Pêrokîn kurdî hedef de yê
Endamê Meclîsa Tevgera Azadî yê civaka Kurdistanî yê Herêma Germîyanî Cotyar Hesenî hayr ant armancê hêrîşanê Tirkîye ser û wina va: “Dewleta Tirk rîwalo ke şikîyayîşê xo hêrîşê dewanê Qendîlî û qezaya Amedîye kena. Dewleta Tirk ewro bê omid bîya ke DAIŞ sînorê dewleta Tirk paweno. Armancê dewleta Tirk şikitişê pêrokîn kurdê ke bi fikir û siyaseta xo ser payan de vindenê yo.” Hesenî zî bi sebebê destegdayîşê AKP, PDK rê nêrazîbîyayîş damûsna. Cotyar Hesenî hetanê sîyasî yê Başûr ra waşt ke dûştê bombevornayenanê dewleta Tirk tewir damisnê.
BERHEM LETÎF / ROJNEWS / KELAR