Rojavayê Kurdistanê de Şarê Kurd yew şoreş viraşt. Hîrê herême azad zê herêma Cizîrê, Kobanê û Efrîn amê viraştiş. Rayverê nê hereman zî estî. Kurdê Rojava tekoşînê xo raver benî, la neyarê Kurdan zî fek neyarîya xo ra veranêdanê.
Dewleta Tirk û çeteyên girêdayî ayê bi name DAÎŞ, Lîva Tevhîd, Ahrar-i Şam û El Nusra her roj êrîş kenî ser Rojava. Rejîmê Surîyê zî êrîş keno ser Rojava.
PDK zî bîya şîrikê Dewleta Tirk û êrîş kena ser Rojava û Şarê Kurd.
Hetêk bîn ra seba pawitişê şoreşî û herêmên azad yê Rojava her roj kêna û lajê Kurd şehît kewnê.
La ma ewnenê ke, PDK neyarê Kurdan ra wêdeyîr bîya neyarê Kurdê Rojava.
Dewleta Tirk ser xete de çalan û xendekan kenena. Pêro bere Rojava gena. Dês virazena û çalan kenena.
PDK zî hetê xo de çalan kenena. Bere Sêmalka gena. Ser da zî êrîş bena ser Kurdê Rojava û Mevlît Nezî Hecî Yunis kişena.
Rayedarê PDK zî şerm nêkenê. Ser ra zî fekê xo akenê Kurdê Rojava ra zewtan kenî.
Vanî, “Kurdê Rojava terorîstî”.
Tayî tirşikçî estî ayê zî şerm nêkenê, destek danê teresîya PDK.
Nêvanê, PDK çira dişmeniyê Rojava kena?
Nê tirşikçî Rayedarê PDK ra çîyêk nêvanê, la tim û tim fek erzenê Kurdê Rojava.
Ma nê tirşikçîyan qet roportajê Mesut Barzanî yê ke dawo Sky TV nêwendo!
Mesut Barzanî, Sky TV’da vato ke, “Gera Kurdê Rojava welatê xo ne bipawitenê”.
No qisekerdiş yeno çi mane?
Mesut Barzanî eşkero vano ke, “Wa çeteyên DAÎŞ înan bîyerenê dest bierzenê welat û namusê Kurdan.
Wa Kurd zê meşnan sere xo çeteyan ra dergbikerenê, çetê zî sere Kurdan terebikerenê”.
Zobî zî PDK xendek yanî kozîkê şer kenena la vana “Hukumatê Başur û Hukumatê Merkezî Yê Iraq no qerar girewto. Ma zî ser no qerarî kozîkê şer kenenê.
Ca de şîrikê Hukumatê Herêma Kurdistanê YNK cewab da va, ”Eleqê YNK kendişê çalanê şer ra çîno. Ma zê Hukumatê Herêma Kurdistan qerarek hina nêgirewto. PDK tenê çîyo hina kena. Ma qebul nêkene ke çal bîyerenê kendiş”.
Hukumatê Federal Yê Iraqê zî dazanayîş da va “Ti eleqê ma û kendişê çalan çîno. Ma qerarek hina zî nêdawo”.
Nê qisekerdişan ra zî pêro çîyê zelal vejîyenê werti. Dewleta Tirk, PDK û çeteyên DAÎŞ û yê bînan pîya ser Rojava de şer ramnenê. Neyartîyê Rojava kenê.