Parlamentoyê Ewropa derheqê muzakereyê mavêna Yewîya Ewropa û Tirkîya de qerarê vernîyazê vindarnayîşî da.
Parlamentoyê Ewropa, vizêr derheqê endamîya Tirkîya ya muzakereyê bi Yewîya Ewropa de qerar da ke muzakereyî bîrê vindarnayîş. Qerarê vernîyazî yê vindarnayîşê muzakereyan, 638 kesan mîyan de bi 477 vengan ame girewten. 64 kesan zî waşt ke muzakereyî dewam bikerê. Rapora ke vernîyaz kena ke muzakereyî bîrê vindarnayîş, hetê raportora PE û Tirkîya Katî Pîrî amê hadrekerdiş.
Dorê Yewîya Ewropa yo
Qerarî rê zey sebep zî 16ê Nîsane de paketa vûrnayîşê makeqanûna zagonî û ca nêardişê krîteranê Kopenhag ame damûsnayîş. Parlamentoyê Ewropa, qeraro ke Mijdara 2016î de girewtbi de zî waştbi ke muzakereyê endamîya Tirkîya bîro vindarnayîş.
No qerar seba Yewîya Ewropa, hukmê vernîyazî de yo. Tenya êşkeno ser polîtîkayanê dewletê ke endamê YE yê de tesîr bikero. Seba ke no vernîyaz bibo yew qerar, reyê 28 endamanê Yewîya Ewropa hewce keno. Parlamentoyê Ewropa seba vindarnayîşê muzakereyan bi Tirkîya ra veng da dewletê ke endamê Yewîya Ewropa yê û Komîsyonê Ewropa.
Rapor de veng ame dayen ke Tirkîya meseleya Kurd bi metod û raybazanê demokratîke hal bikero.
STRASBÛRG