Bi wesîleya serrgêra 5. ya hêrişanê qirkerdişî yê Şengalî, bi desan bajaran de aktîvîteya deqeyêka hurmetgirewtişî ameye viraştene. Sere de welatanê Fransa, Almanya, Awusturya, Hollanda, Swîsre, Armenîstan û xeylê welatanê bînan de bi hezaran kesî meydanan de bî.
Bajarê Marsîlya, Bordeaux û Montpellîerî yê Fransa, bajarê Nunberg, Saarbrucken, Gîessen, Bremen, Hannover, Stutgart û Heîlbornî yê Almanya, bajarê Vîyana û Perthî yê Awusturya, bajarê Den Haagî yê Hollanda, bajarê Luzernî yê Swîsre û bajarê Erîvanî yê Armenîstanî de çalakîyî ameyî viraştene.
Çalakîyan de seba vîrardiş û bale biancîyo hêriş û qetlîyaman ser deqeyêka rêzgirewtişî ameye kerdene. Çalakîyan de qiseykerdişî ameyî kerdene û bitaybetî bêvengîya Ewropa ameye şermizarkerdene. Çarçewaya çalakîyan de vilawekî ameyî vilakerdene û siloganî ameyî eştene. Tayê cayan de beyraqê YPG, YPJ û YBŞyî ameyî kiriştene û seba Şengalî statu ame waştene. Çalakîya Vîyana de seba rayraşîyayîşê 10ê Tebaxe zî vengdayîş ame kerdene.
ANF/BRUKSEL