Şaxa Weşî û Asayîşê Karî (ÎSG) ya ke girêdayîya DÎSKÎ ya û Serekîya Dayîreyê Çimeyê Merdiman û Perwerdeyî ser o xebatan kena, semedê hayebîyayîş û asayîşê karî semînerê perwerdeyî da dest pêkerdiş. Semînerî do mintiqayanê 1. û 2. de bidîyê Serekîya Dayîreyan. Semînero ewilin Salona Kombîyayîşî ya Şaredarîya Gêlî de ame dayîş.
Xeylê xebatkarî beşdarê semînerî bîyî. Pisporê Asayîşî yê Mudirîya DÎSKÎ Mustafa Kaya, semîner de qisey kerd û wina va “ Wexto ke seha de xebate bena ganî semedê rîskanê kîmyewîyan cîhazê peymitişê gaze bibo û maskeyê gaze bêro pakerdiş.” Kayayî derheqê qezayê ke demê karî de qewimîyenê û nêweşîyê ke demê xebate de peyda benê ser o perwerde da xebatkaran..
Her roj 4 kesî mirenê
Pisporê DATA OSGB ÎSG Hakan Kaçarî zî va “Tirkîya de her roj 4 kesî rîyê qezayanê karî ra mirenê. Bi nê perwerdeyan ma kenê ke na hûmare kêmî biko. Nê qezayî hem bê tedbîrî hem zî meylanê tehlukeyînan ver benê. Nê qezayê karî se ra 88 meylo tehlukeyin ver qewimîyenê.
Perwerdeyê weşî û asayîşê karî yê ke hetê Mudirîya Pêroyî ya DÎSKÎ ra yenê dayîş heme qezayanê Amedî de dewam kenê. Perwedeyanê ÎSG de behsê “mewzuwatê xebitîyayîşî. Heqê ke qanûnan de ca dîyayo înan. Nêweşîyê ke demê xebate de peyda benê û netîceyê huqûqî. Rîskê bîyolojîk, psîkolojîk û semedê înan tedbîrî.” beno.
AMED