Pêşengeha ku rastiya dagirkeriyê bi awayekî eşkere radixe ber çavan, dê heta 25’ê îlonê vekirî bîmîne. Bi salane ku li ser vê erdingariyê rureşiya dewleta tirk  bi her şeweyê dij mirovî li ber çavên mirovahiyê tê kirin dilê bi sedan dayîkê Kurd û tirk şewitand. Dayîkê ku çavê wan li wêneyê li dîwara daliqandî ket, wekî barî nanê ku di qirika wande bimîne, bû sedema hêstiyariy û hêsirê çavê wan bixwe dihate xarê. Dayîkê ku yê zarokê xwe yê hevserê xwe winda kiriye hê jî bi hêviya dê rojekî derbikevin werîn dîjîn. 
Pêşangeha weneyan a bi navê ‘Em ên winda’ ya ku wênekêş Veysî Altay bi alîkariya ÎHD’a Stenbolê û Şaredariya Bajarê Mezin ya Amedê amadekiriye, li salona Hunerê ya Galeriya a Parka Sumerê ya Amedê hate pêşandan. Hunermendê Wêneyan û parazvanê mafên mirovan Veysî Altay, wêneyên çalakiyên Dayikên Şemiyê yên 16 salan di pêşengeha wêneyan de kom kir. Altay, bi boneya balê bikşîne ser windayan û çalakiyên Dayikên Şemiyê ya 16 salin li Qada Galatasaraya Stenbolê û pişt re li Riha, Amed, Êlih, Şirnex bi wêneyen wan pêşengeh vekir. Di pêşengehê de Şaredarê Amedê Osman Baydemîr, rêvebirên ÎHD, Însiyatîfa Dayikên Aşîtiyê, rêvebirên MEYA-DER û gelek hûnermend amade bûn. Sekreterê ÎHD’ê Racî Bîlîcî û Serokê MEYA-DER’ê Huseyîn Kugu li ser rewşa windayan û çalekiya dayikên şemiyê ku bi salane têkoşînê didin axaftinek kurt kirin. Hunermend Veysî Altay ji bo kesê ku tevlî pêşengehê bûne spasiya xwe anî ziman. Piştî Altay, Şaredar Osman Baydemîr jî diyar kir ku wahşeta li Tirkiyê didome. Baydemîr, bi gotina: ‘Ger ku hûn bê deng bimînin dê dor bê we jî’ xwest ku her kes li hemberî neheqiyê dengê xwe bilind bikin. Piştî axaftinan, Altay, hemû wêneyên li dîwara daliqandî yek bi yek nîşanî beşdaran da û danasîna wan kir. Pêşengeh dê heta 25’ê îlonê vekirî bimîne.


 AMED - DÎHA