‘Pêşeroja Mûsilê ne diyar e’

 Ev ji dibe sedem ku pêşeroja Mûsilê ya piştî nemana DAIŞ’ê ne zelal be.Têkildarî mijarê Endamê Kongreya Netewiya Kurdistanê (KNK) Firyad Hîranî û rojnameger Hesen Mistefa ji ajansa me re axivîn.

Her wiha endamê KNK’ê Firyad Hîranî wiha axivî; “Mijara Mûsilê mijarek  aloz û ji nakokiyan dagirtiye. Pêşbaziya di navbera  Herêma Kurdistan, Tirkiye û Îranê de bûye sedem ku  pêşeroja Mûsilê ya piştî DAIŞ’ê ne diyar be.”

Her wiha Firyad Hîranî ragihand ku Herêma Kurdistanê li ser pêşeroja Mûsil û pirsgirêkên din ti lihevkirinek li gel Bexda ne çêkiriye.

Li ser heman mijarê rojnameger Hesen Mistefa jî got; “Serokê PDK’ê Mesûd Barzanî gotibû  bêyi rizgarkirina Mûsilê ewlehiya Herêma Kurdistanê çênabe. Lê gelo ji bo netewa Kurd  Kerkûk girîngtire yan  Mûsil? Çima yekem car nehatin DAIŞ’ê ji derdora bajarê Kerkûkê paqij bikin?”

Hesen Mistefa ev ji bi bîr xist ku ji bo pêşeroja Mûsilê li ser rizgarkirina operasyona Mûsilê ti lihevkirinek di navbera rêveberên Kurd û Bexda  de çênebûye û wiha bi dawî kir; “Ev ji wê bibe sedemê şerek di navbera Herêm û Bexda de.”