Beyanato ke pêvînayîşê Donald Trumpî û Tayîp Erdoganî ra dima ame kerdene de ame îdîakerdene ke Vakur û Rojhelatê Sûrîye de adirbirnayîş dewam keno û kifş o ke terefan babeta S-400 û F-35î ser o pênêkerd.
Donald Trumpî kombîyayîşê Qesra Sipîye ra pey Serekkomarê Tirkan Erdoganî reyde kombîyayîşê çapemenîye yê hemparî de qisey kerd. Trumpî bale ante sîstemê pawitişî yê S-400î û teyarayanê şerî yê F-35î ser. Trumpî ard ziwan ke na babete ser o karê heyetanê her di welatan dewam kenê.
Trumpî hêrişê îşxalî yê Tirkîya nêerjna û her çiqas hêrişê dagikerî dewam kenê zî îdîa kerd ke 'adirbirnayîş' dewam keno. Trumpî îdîa kerd ke Tirkîya do 'berpirsîyarîya xo bîyara ca' û vat zaf hêzî wazenê ke adirbirnayîş serkewte bo.
Trumpî îdîa kerd ke bazaro ke hetkaranê ey Mike Penceyî û Wezîrê Karanê Teberî Mike Pompeoyî menga vîyarteye de Tirkîya de kerd 'serkewte' bi û vat: "Menga vîyarteye de mi Pence û Pompeo erşawitî Anqara. Pêvînayîşêk ame kerdene û zaf serkewte bi. DYA û Tirkîya pîya çîyê pîlî kerdî. Seba çarekerdişê rewşa temîyankewte ya se serran gamê girîngî ameyî eştene." Qestê Trumpî rewşa se serran ra meseleya kurdan biba zî Trumpî eşkera nêkerd ke o dagirkerî senî sey çareserîye vîneno.
Donald Trump qiseykerdişê çapemenî ra va: "Kombîyîşî muhîmî viraştî.Seba ke Serekomar Erdogan Serkan Gulge veredayo sipasîya xo kena. Nê hewayêke jest seba ABD û Tirkîya xeberêke baş î. Mîyanê di welata de rewşa dîplomasî, aştî û ameyîşê refahî ra muhîmîya baş a. Seba hemkarîya Erdoganî ra sipas kena."
Donald Trump û ana dewam kerd Tirkîya kerdişê heme çî dewam kena:"Ez Serokkomarî ra zaf hetkarî dana. Her çiqas rewşa adirbinayîşî de çîyê têmîyanî bibêse zî averşîyîş domîyeno. Tirkîya û DYA seba babetê asayîşî ra pîya xebitîyenê. Tirkîya DYA dime ra NATO yî de en artişê girdî yo. Seba pawitişê hevceyê Tirkîya hîna zaf bena. Tirkîye 29 welatn mîyanî ra hetê NATO yî ra wazîfeyê xo erdî ca.Afganîstan mîsyonê xo erd ca. Wertaxîya rijnayîşê DAIŞ î zaf muhîm bî. Kiştişê El Bağdadî de hetkarî dayî. Tirkîya de viraştişê perçeyê F-35 hesilkerdiş beno.Ancî zî seba girotişê S-400 ra heme tewr zahmetî vejîyenê. Bawerîya mi esta ke zaf çîyê muhîmî benê.
Tîcarat dewam keno
Ma wazenê ke nizdîyê 100 dolarî ticaret bivirazî yo. Ma wazenê Tirkîya reyde îtîfaqê pêtî virazê. No warî de bi tena Rojhelatê Mîyanênî de nê heme cayê dinîyayî de nê hemkarî bibo. Hemkarîya ma domîyena."
WASHÎNGTON