Peynînameyê komxebato ke hetê Komeleyê Alewiyê Demokratîk viraziya de niya vajiya:
* Dersim de Pîrî bî civat û amey cemalî û ‘Raya Heq’ de amey têlewe. Pîran tespît kerdî ke, biyayiş, ray û erkanî dewam kerdiş, encex bi sîstemê Ocaxan mumkin o.
* ‘Raya Heq’ destci kerdişê biyayiş de nimiteyo. Sirrê Heqîqetê biyayiş, şiyayiş û ameyiş nika de resnena pê. La tengkerdişê îtiqat, vîr û cografyeya ‘Raya Heq’ netîceyê ferasetê şaş yê tarixî yê ewroyî û sosyolojiya şaş de biyo.
* Tarixê ‘Raya Heq’, tarixê tekoşînê vera zihnîyetê Fîravûn, Nemrûd û Yezid’ano.
* Gune pêrokîn Ocax û rêxistinê ma, reyna ra, goreyê prensîbanê îtiqatê ma newede ra viraziyê. Gune cenî kî goreyê têdûştî û rayverîn rolê xo kay bikerê.
* Dewlet hewl dana ke meseleyê alewiyan bi ‘keyeyanê îrfan’, bi aw, elektrîk, bi meaş, bi projeyanê asîmîlasyon çare bikero. Dewlet wazena îtiqatê ‘Raya Heq’ civakbiyîn ra, xeta demokrasî û serbestî ra bibirno. La, aqlê dewleta jûyî nêşkena meseleyanê şaranê Tirkiye û alewiyan çare bikero.
* Bi aşmano dewlet bi ‘qedexe’yan, bi ablûqeyan, heqanê welatijan dest ra gêna. Çiyo ke Cizîr de yeno kerdin, Pakê Masûmî ke Kerbela de teyşan amey verdayen ardî vîrê ma. Gune dewlet desinde, no zilm û qetlîaman ra fek virado.
* Veng danime pêrokîn talîpan ke çormeyê Ocaxan de are bibê û wayrê ray û erkanî bivejyê.
* Dewleta AKP, bin zext û zorvajiyan de heqîqetan niminena, pirkamî û pirrengiyan înkar kena. Nayî ra, gune viraştişê makeqanûna newî de, pêrokîn îtiqatî, kamî, kiltûr û temsîlkarê Raya Heq ca bigîrê.
DÎHA/DERSIM