Bi ameyîşê wisarî tewir bi tewir heywan û nebatî tebîet de rîyê xo nîşan danî. Nê heywanan ra yewe zî pezkovî ya. Herêma Dêrsimî ke bi tebîetê xo namedar a de pezkovîyî nê rojan de xo nîşan danî.
Seke yeno zanayîş par Newala Pîlemurîye de nêweşîya pezkovîyan ver xeylê pezkovîyî merdbî, labelê emser vejîyayîşê pezkovîyan kêfê herkesî ard. Pezkovîyê herême seba ke lazimîya xo ya sole pê bîyarî, cayanê berzan ra yenî rayîrî ser û dima ra reyna derkewenî cor.
Pezkovîyê ke elewîtîye de pîroz î û hetê şarî ra yenî pawtitiş, bi hawayo bêters yenî rayîrî ser. Babete ser o Hasan Adayî wina va: “Zimistanî xeylê pezkovîyî merdbî. Merdiman ra nêtersenî û wa merdimî zî qîmişê înan nêkerî.”
Merdim hîsin beno
Kemal Zereyî va ‘nika pezkovîyî yenî rayîr ser’ û wina domna: “Pezkovîyî rayîrî lêsenî. Ez zî fotografanê înan ancena.”
Murat Yakinbaşî zî va ‘manzarayêka winasî kêfê merdimî ano û merdimî hîsin keno’ û wina dewam kerd: “Nê heywanî zaf rind î. Wa bitaybetî kesê ke rojawanê Tirkîya de yî, bêrî rindîya rojhelatî bivînî.”
PÎRHA/DÊRSIM