Têkoşîna xosereya şar û welatê kurd û Kurdistanî nê çewres serran mîyan de xeylekên erje netewî û merdimeyî vetê werte, têkoşîna merdimeyî rê kerdê mal. Bi na biyayena xeylekên zeriyê têkoşerî ante rayvistena xo miyan. Vijyayena nê erjan wareyê vinîkerdena û binpeykerdena erjanê şarê kurdî de, bi cigeyrayena dest pey kerd, riho fetisnaye vet werte.

No riho ki telankerden û binpaykerdena netewedewlete bin de perçiqiyabî destê xo yê qebarênî şanay bi erd, bi qidûmo şikte ya werişt xo ser, xo têşana, qijnikê desthilatdarîya dagirkere xo ra roşanayî. Na jû ayabiyayene û weriştena hewnê mergî ra bî. Mezg û zerrîyan zengar girot bî. No zengar teniya bi goniya şoyayê. Na şiwitene zî teniya bi vîr û baweriya Apogerî ya mimkûn bî. Teniya bi no felsefeya heme livdaranê şarê kurdî şayê kakilê xo mij û moranê netewe dewlete o fetesnayox ra bixelisnê.

No riho ki zey potansiyelê heme merdimeyê yo her ki zengarê desthilatdarê ra şoya bi şar û welatê Kurdistaniya bi sînor nêmend. Pêla vayê xosereyî welat û parzemînî şanay xo ver, zerriyê xeylekên merdimanê ki verpersiyariyamerdimeyî girota xo ser qezenc kerdi. Finakê ki ameyê cuyene zafî yê. No nuşte de wazenîme ki têkoşera enternasyonalîste, keynaya şîde, wayîra zerrîya girde, ziwana wijdanê merdimeyî Îvana HOFFMANN bi mektûba ciya bisilaşnîme. 

Îvana 1’ê elûle 1995’an de şaristanê Emmeric ya Almanya de ameya dinya, şaristanê Duisburg de cuya xo ramita. Na keynaya têkoşer ya Enternasyonaliste keynaya piyê afrîqayijî, maya ci zî alman a. 2011’an de rayvistena MLKP ya ciwanan mîyan de dest bi têkoşîna antî faşîstan kena, aktîf girweyana. Her ki deraxê têkoşereya xo berz kena verpersyariya xo heqanê merdimeyî sero verhera kena. Kamcin welat de zordestî û zilm bibo Hoffmann eleqeder keno hayrê ci wijayî sero yo. Nexasim hemverê pergala perwerdeyî ya Almanya de wayîrê helwestêna têkoşerî ya. Bi na helwesta xo ya têvereya pergala modernîteyê kapîtalîstî ma ro dana wendene. 

 Bi na helwesta xo ya hemdema şaxê verpersiyariya xo ya Enternasyonalîste resnena têkoşîna xosereyî ya şarê kurdî. Bi têkoşereyî û wêrekîya cinîya kurd a Hoffmann verê xo dana Kurdistanê Rojawanê, lejo ki teverê çeteyanê DAIŞ, dişmenanê merdimeyî de ca gêna.

Hoffmann her ki têkoşîna xo ver di bena, verê xo dana kurdistan û apêdayena xo bi rihê çand/ karitê kurdî ya mûnena.


“Ez merdînij a”

Goreya embaza Îvana ya têkoşîne Rojîn EDEBACÎ “Kowara Alewaya Jin” de nusnabi Hoffmann hetê apêdayena şorişgerî ya xo resnabi deraxêno winî ki şorişgereya xo bi rihê kurdiyayena ardêne ziwan û her game de vatê: “Ez merdînij a”. 

Bi na aîdiyeta enternasyonalîsta rihê şorişgorîya cinîya kerde, felsefeyê vîrdozîya Apogerî a antê virara xo. Aye waştê ki rihê xo yê têkoşerî têkoşîna xosereyî ya kerdî ya bi mane bikero. 

 Na keyneya afrîkayije hetê embazanê xo yê têkoşîna zey “pîyo hewate” ya deyêna silasnayene. Wayîra riyê hiwateyî ceh dê cuya degrotê Nîsana 2014’an de Kurdistanê Rojawanê de bi hêzanê YPJ-YPG awanîya hemverê çeteyanê DAIŞ de dest têkoşîna aktife kena. Şorişgera Enternasyonalîste, endama rayvisyena MLKP Kurdistanê Rojawanê de dest bi lejê têverê dişmenanê merdimeyî kena û bena milîtana awankerdoxê ya modernîteyê demokratîkî.

 Hoffmann no mabên de xeyalê xo ana ca û kurdî musena. Bi nê cehdê xo ya wazena ki têkoşina şarê kurdî bi ziwanê kurdî ya fam bikero ki vêşêrî xo biresno nê rihê têkoşîna xelasiya cinîyan. 

 

Şopdara Zîlanan, Sîbelan

Hoffmann bin a ca ardena xo ya finaki mojnenama ki zoreyî de serkewtene karê şorişgeran o, şorişgereyî wayîrê qerarêna winî ya ki koyan xo lepan mîyan de helênenê. Na zoreyî de serkewtene mektuba xo de wina ana ziwan: “Alaya şorişgeri ya ki şehîdan ma rê mîras verdeya biresnîme ca.”

Hoffmann cigeyrayene têkoşereyî û mane ci dayena têkoşîna şaranê bindestan de zey milîtanêna awankerdoxê ca girot û sînorî dayê xo lingan bin ro. Bi na şideya xo ya bi şorişgera Enternasyonalîste, dika rûmetanê merdimeyî sero cayê xo Zîlanan, Bêrîtanan, Arîn Mîrkanan, Sîbelan û Kader Ortakaya yan kişta girot.

 Îvana Hoffmann şefaqê 7’ê Adare, arîfeyê 8’ê Adare roja Cinîyanê Dinyayî de, saet 3’yê şewdirî de, lejê/şerê hemverê çeteyanê DAIŞ de, Kantona Rojawanî, Cizîrî de, Til Temir de şehîd kewti.

 Na cinîya şorişgera Enternasyonalîste, şopdara zerrîyanê girdan. Che Givera, Kemal Pîrî mektuba xo de xeylekên çiyê heyranteyî yê ki rihê livdaranê têkoşeran ma ro danê wendene ardê ziwan. Bi arizî heyranto deraxê civirkardena cu ya bi kerdenanê modernîteya kapîtalîstî.

 Ma embazîna na cinîya şorişgere ya Enternasyonalîste ra şanazîme. Şexsê aye de bejna xo heme şehîdanê şorişî û kantonanê Kurdistanê Rojawanê vero namenîme. 

SÎNAN SUTPAK / Zîndana Elbîstanê



Mektuba Îvana Hoffmann


Min qerarê girot. Seweta ki ez biresa no qerar bi şewena, birojana fikiryaya. Bi desana persê ki mezgê min de geyrayê rê geyraya ciwab. Min pers kerd ki çirê nêşena nê renganê tiya yi cê ra agabeyrna, çirê nêşena nê vayê tiyayî ganê xo de hissî bikera. Dûrî ra venganê mîriçikan ez slaynê azadê kerdê. Nê heman wext de ê persê ki ganî zey perranê mîriçikan min ci rê rew ciwabî bivînayî bi. Êdî ez ciwabê persanê xo zana. Resaya qeraran. 

Ewro êdî roja ki waştena xo biyara ca ya. Gama ki ez wazena bierza hende Firat û Dîcle bi hêz a. Ez êdî wazena biba perçeyên yê Şorişa Rojewan o ki heme şaranê bindestan kena rew, nezdî ra bisilasna/nas bikera û eki pêwîst bo oxirê ê şorişî de cuya xo feda bikera û bipawa. Ez zana ki çiçîyê mi pawenê. 

Mihimîya na têkoşîne zî zana. Bê şik ez do zehmetî bianca. Sebebê nê zehmetiyan do ê ferasetê ki kapîtalîzmî mi de peyda kerdê bê. La ez do şira ê ferasetanê ki kerdê aîdê min ser. Seweta ki ez ê ferasetan mahkum bikera, ez do têkoşîn birama, lej bikera. Ez do na jiwere fam bikera ki seweta şorişo ki hemverê Emperyalîzmî virazyayo lej kerdene, çek giroten hisseno senîn o. Ez do cu his bikera, aşnawa ki hina xo rîi hina bi rêk û pêk, hina bi fergên a. 

Beno ki biresa sînorê cuya xo ya peyêne, ango belkî no lej de şehîd bikewa. La ti wext ez do ceh dê xo yê têkoşîne kemî nêkera. Cû çend ki firsendê lejkerdene bido min ez do heme firsendan bixeftna. Ez zana ki êdî çiyên nêşeno min tîya de tepêşo.

 Ez nêşena tiya de, dest û lingê mi girêdayeyî lejkerdena dayîkan, pîyan û way û birayanê xo temaşe bikera. Madem ki mah eme leteyanê malbata merdimeyî ra yê o wext ez nêşena temaşekerdoxê nê leji ba. No lejo/sero ki birayê min, embazê min, wayê min hemverê kapîtalîzmî de ramenê lejê xosereyî yo, azadî yo. 

Ma Enternasyonalizm zî no bi xo yo! Dûrî ra temaşe kerdene nê, heke pêwîst bo dest de çeke seweta pawitena erjanê şorişî ganê xo fedakerdene lazim a.

 Eke ki ez ageyra ez do apêdenanê xo, çiyê ki bicuya ez do bi embazanê xo ya, dormê xo ya bara kera. 

Vengê ki ez aşnawa notaya inan ra newa/melodiya ci ra strana/dêra tewr weşe ez do viraza. Ez do her kesê ki o şoriş ci ra dûrî yo slaynê tilisimê ey bikera. Ez do gerîlayana winî ba ki raya xo rê sadik/girêdaye û omida degrote ba.