Endamên Meclîsan û saziya çand û hunerê li ser bendên kontrolê nobedariyê dikin û parastina riyên gund dikin. Endamên Saziya Çand û hunerê diyar kirin ku ji bo piştgiriyê bidin hêzên YPG'ê li ser bendên kontrolê yên gund nobedariyê dikin. Endaman destnîşan kirin ku ji ber hêzên YPG'ê di opersyona rizgarkirina Til Hemîs de ne alîkariya wan bikin. Endamên meclîsên gundên herêma Aliyan jî dan zanîn ku ew parastina bendên gundê Heded ê Çilaxa ku hêzên YPG'ê ji komên çete rizgar kiribûn dikin û gotin ku ew bi erkê xwe pêk tînin. Li Rojava 5 meh berê û piştî êrîşên komên çete ji gelek aliyan pêk hat seferberî hate îlankirin, ji wê demê ve endamên sazî û dezgehên sivîl li kêleka hêzên YPG'ê derketin û di parastina herêmê de cihê xwe girtin. Her wiha ji wê demê û vir ve gelek endamên sazî û dezgehên sivîl fermî tevlî hêzên YPG'ê bûn.  Li hemû eniyên şer gel bi îmkanên xwe yên kêm jî xwarin ji şervanên YPG'ê re amadekirin.

GIRKÊ LEGÊ



Ji YPG’ê li dijî komên çete çalakî

Hêzên YPG’ê li gundê Hisêniyê yê Til Hemîs li dijî navendên komên çete yên DAIŞ’ê çalakî lidarxistin. Di encama çalakiyê de gelek navendên çeteyan hatin girtin û gelek çekên çeteyan jî hatin bidestxistin. Di encama çalakiyê de kuştî û birîndarên komên çete çêbûn. Hêzên YPG’ê li ser daxwaza şêniyên gundê Hisêniyê ku 2 Kîlometir rojavayê Bajarê Til Hemîsê dikeve, li dijî navendên çeteyan ên li gund çalakî lidarxistin. Şer û pevçûnên li gund dewam dikin û endamên komên çete direvin.

Gelek cebilxane hate desteserkirin
Di encama pevçûnan de hin çete hatine kuştin û hin birîndar bûne, her wiha hin tirmpêl û cebxaneyên wan hatine ruxandin. Hêzên YPG'ê bi sedan guleyên Hawan û top ku bi miqdarê barê kamyoneke mezin tên desteser kirine. Her wiha gelek kilaşînkof, guleyên RBG, BKC, bombeyên destan û doçka jî hatine desteser kirin. Hêzên YPG’ê li ser daxwaza şêniyên herêmê di 26’ê kanûnê de opersyona rizgarkirina bajaroka Til Hemîs û Til Berek dabûn destpêkirin. Di encamê de hêzên YPG’ê bajroka til Berek û gelek gundên Til Hemîs ji çeteyên DAIŞ’ê rizgar kirine û gelek mayînên ku komên çete li Til Berek û gundên herêmê bi cih kiribûn bê bandor kirin.

Til HEMÎS