Waliyê Kerkûkê Necmettîn Kerîm li bajarê Stenbolê yê Tirkiyê tevlî konferansa ku ji aliyê Navenda Lêkolîna Aborî ya Teknîk û Stratejîk ve hatiye organîzekirin bû. Kerîm piştî civînê pirsên rojnamevanan bersivandin. Kerîm destnîşan kir ku ji meha Adarê ve di xeta petrolê ya Kerkûkê de herîkîna petrolê çênabe û niha mûçeya herêmê ya petrolê 30 hezar Dolar e. Kerîm got ku ji ber êrîşên çeteyên DAIŞ’ê ji vir şûn ve wê di xeta Kerkûk-Ceyhanê herîkîna petrolê çênebe.

Kerim, li ser pirsek der barê êrîşên çeteyên DAIŞ’ê de bal kişand ku DAIŞ ji bo herêmê talûkeyeke mezin e, li hemberî wan jî hêza herî berxwedêr PKK û YPG ye û wiha dom kir: “Pêwîst e Tirkiye bi PKK û YPG’ê re hevdîtinê çêbike. Li hemberî DAIŞ’ê tecrûbeya YPG’ê li gorî pêşmergeyan hê zêdetir e.” Kerim der barê hêza pêşmergeyan a Kerkûkê de jî wiha got: “Beriya niha li Kerkûkê 5 tabûr pêşmerge hebûn, her tabûrek 3 hezar pêşmerge bûn. Niha bûne 8 tabûr, hejmara pêşmergeyan bûye dû qat.” Kerîm der barê statuya Kerkûkê de ji wiha axivî: “Ji bo Kerkûkê statuyek taybet pêwîst e. Referendûm girîng e, lê pêwîst e di navbera aliyan de despêkê hevkirinek hebe. Ji bo Kerkûk mina modela Quebec a Kanada statuyek dikare were dayin.” 

NAVENDA NÛÇEYAN