Fermandarê Qerargehê Merkezê Pawitişê Şarî Mûrat Karayilanî beşdarê programêkê televîzyonî bi û derheqê çîyê ke rojeve de yî qisey kerd. Karayilanî sere de Roşanê Qurbanî û Roşanê Ganîbîyayîşî yê 15ê Tebexe pîroz kerdî.
Karayilanî va ‘ma naye ra vanê Şorişê Ganîbîyayîşî, çimkî cimat doşegê mergî de bi’ û wina domna: “Mudaxaleyê 15ê Tebaxe şar newe ra kerd ganî. 15ê Tebaxe de sîlehî teqayî, la no tena serewedartişo bisîleh nêbi. Na hamle hetê îdeolojîk, sîyasî, kulturkî û cimatkî de zî rolêko gird kay kerd. Cimat newe ra aferna. Demê şorişî organîze kerd û fikîrkî şorişêk aferna. Bingeyê azadîye û seypêyîye de şorişê cinîye organîze kerd.”
Karayilan derheqê vatişanê endamanê îstîxbaratî yê ‘ma PKKyî zehîf kenê û dima ra qedenenê’ de wina va: “PKK zeîf nêbeno, şima do zeîf bê. PKK demanê tewr zor û giranan de bi xo newekerdişî gird bi. Gama ke ti vanê mi zorî da ci, PKK hemleya newe kena. PKK heqîqete, îdeolojî û şarî temsîl keno, coka PKK bi şîddetî çin nêbeno. Eke ê keda Serekî veng vejê, ê bi xo vînî kenê. Ma sey tevger û gerîlayî peyê paştîya Rayber Apoyî de yê. Ma ferman û talîmatanê Rayber Apoyî esas gênê.”
Wa şar bizano ke gerîla do ser bikewo
Karayilanî veng da qoricîyan ke wa şaşî nêkerî û nêbê haletê kayanê dişmenî. Karayilanî qiseykerdişê xo de bale ant xoverdayîşê tarîxî yê gerîlayan ser û wina va: “Nika Xakurkê de xoverdayîşêko gird esto. Dişmenî nika Xakurkê de Lelîkanî tepişto. Nika Xakurkê destê kamî de ya, na meseleya munaqeşe ya. Gerîla çalakîyanê tewr bitesîrî Ermûş û Mîsokê de virazeno. Pêroyê xeta Xakurkê de gerîla çalakîyan virazeno. Gerîlatîya demî naya. Verê eke dişmen bikewtêne Xakurkê hêzê ma ûca ra vejîyayêne. Nika wina nêyo. Her wext mesafeyê suîqestî de yo. Dola Ermûşî de çalakîyê sûîqestî yenê viraştene. Dişmen nêeşkeno Xakurkê bifîno dest, coka ma gerîlayê Xakurkê pîroz kerdî. Xakurkê de gerîla serdest o, wa çew zûranê dişmenî ra bawerîye mekero. Xora goreyê Suleyman Soylû û çapemenîya AKPyî ma rewna qedîyayî.”