Vatişê Lenînî ra, vatê wextê demê emperyalîst û dema wexta şorişî ya proleterya ya. Dinya de verba kapîtalîzm têkoşîna xebetkaran û kedkaran her roj kilaya adirî, kilaya şorişî hîna vêşî berz bînê. Bîyayîşê sosyalîzm, Rûsya de serkewtiş bîbî. SSCB de bi verên ra dinya de pergala sosyalîzm ra yew numune bî. Latîn Amerîka de têkoşîna karker û şorişî hewayê qazanî girîyanê.
Dinya de viraştişê sosyalîzm hema hema sed ra hîrê ra sosyalîzm rey de îdare bîynê. Yanî tam sosyalîst nêbo se zî, Bloka Warşowa de ca girotê. Dinya bîybî di paktî. Pakta NATO û Pakta Warşowa. Bindestî, xebatkari, karkerî hînê hêvîya xo sosyalîzm ra best bî û bawerî kerdê.
Tirkîyaye de zî, kuşaxe 68 zî, kuşaxe hereketê 68 zî hema hema wendekarî û ronşbîrî bî. Hareketê kuşaxe 68 zî, semedê şorişî ra, verba fîloyê 6’ê Amerîkan ra veng danê. Bi taybetî zî xoverodayîşê hareketê 15’ê – 16’ê hezîranî zahf vengê xo vet û gulbang da. Rayverîya wendekaran zî, Dew Genç kerdê . (TÎP) Partîya Karkeranê Tirkîya legal partî, partîya karkeran bî, heta nê partî yew wext 15 wekîlî vetî parlemento de ca girot.
Faşîşt cunta darbe kena
Îlegal partî zî, a wext THKPC, THKO, TKP, TÎKP, TKPML bî. Şarê tirkan û kurdan mîyanî de yew hêvîya şorişî bî. Kurdistanî de, DDDK, KUK, Kawa, Rizgarî, Rayîrê Azadî bî. Nê hereketî zî, reformîstî bî. îdeolojîya înan, bi zafin ra girêdayeya SSCB bî. Nê hengamen de 1971 de faşîşt cunta darbe kena, parlemento fes kena reyberê çepê tirkan hîrê kesan dardi kena 9 tenê zî kizil dere de qetil kena.
Ayê binan zî tepîşena dekena hepis. Çepê tirkan mîyanî de zî yew nakokî vejîyena, vanê şorişîya têkoşîna sîlahê rey virazîyeno na zî bê silahê rey de têkoşînê rixistini rey de virazîyena. Welhasil çend tezî vejîyenê raste. Hînê çepê şorişî tirkan mîyanî de zahf komî û hereketî vejîyenê.
Rayverê Şarê Kurd zî, a wext wendekar o, têkoşîna şorişê tirkan ra sempati vîneno. Badî zî, yew qewimyayiş ra keweno zîndane. Zereyê zîndane de ser şorişî de fikirîyeno. Hînê çepê tirkan ra hêvî nêmen da, sewbîna girîyayîş keno. Badî zîndane ra vejîyeno teber, teber de yew kome ombazan rey de fikrê xo barê keno û biryarê viraştişê kome saz kenê.
Ajanê dewlete vejîyayî
Enqere de barajê Çubuklî verê de nê kome kom bena. Nê kome zî, bi nameyê şorişê Kurdistanî ra şarî mîyanî yena vatiş. Nê kome xebata xo heme şaristanê Kurdistan ra vila bena xebata xo gird kena. Kurdistanî de şarî mîyanî de Apogerî ra yenê sinasnayîş. Dewlete bîyayişê PKK bi game de game taqîp kena. Dîrokî de her partî mîyanî de mêrdimê dewlete, ajanê dewlete vejîyayî.
Dewlet zî bîyayişê PKK de ajanê xo dekena PKK mîyanî, vana wa her wext PKK kontrol bikerê. Çarlixe Rusya de partîya Bolşewika mîyan de ajanê çarlixî kewenê partî mîyanî. Serekê partîya bolşewîkijan Lenîn nê ajana ferq keno.
Lenîn vano ke, nê ajan marê lazim o, çimkî ma nê ajanî parlemento mîyan de gurênenê encax ma anahewa ajan ra feyde veynenê. Rayverê Şarê Kurd zî, ajan Pîlot Necatî ferq keno û eyra xelet agahî dano, dewlete xelet raştî keno. Dewlete ewnîyena ke PKK hînê kontrol nêbena. Nay ra şîdetî gurênena PKK, hema yew koma newaya, dişmen wazena ke PKK îmha û tasfiye bikero.
Partî resmen PKK îlan kena
1977 18 Gulane de pêşengê PKK Hakî Karer yew komployê rey de şehit kenê. Na koma şorişîya Kurdistanî kom bena şahadetê ombazê Hakî ser o, vanê ma se bikerê semedê şahdetê heval Hakî ser o. Ma senîhewa qesasê heyfê hevalê xo bigîrê. Badî zî birîyarê qesasê Hakî ser o, bi nameyê eyra sazbîyîşê viraştişê partî gêynê. 1978 de qezaya Amedî de dewa Licê Fîste partî kongreyê xo virazena. Îlankerdişê partî zî, eşîrê axayê Bûcagî ra suikast virazenê, partî resmen PKK îlan kenê. Dewlete nay ra şîdetê xo sewbîna hewa vêşî kena. Operasyon virazena zafin ra pêşengê PKK tepîşena, çend kesan ser o çeteyê îxanetî virazena. Nê çeteyê îxanetî zî zîndanê Amedî de xebata xo dom kenê.
Rayverê Şarê Kurd telukeyê cuntaya 12’ê Êlule lez ferq keno. Bi leza lezi ra, bi limitî ra vejîyeno teber. Sahaya Lubnanî, Lubnan de ca veyneno. Pêşengê PKK yan beno sahaya Lubnanî de perwerde keno, hem perwerdeya vîrdozî hem zî leşkeri bander keno. Ray ray pêşenge PKK yan ancî tepa apey erşaweno welatê Kurdistanî. Qabê viraştişê rêxistînî ra, faşîşt cuntaya 12’ê Êlule darbe kena, nê cunta bi verên ra zîndanê Amedî ser o vindenê.
Çimkî pêşenge PKK hema hema zafin ra zîndanê Amedî de bî. Beqayê dewlete weş fikirîyena xobixo vanê ke ma pêşenganê PKK zîndanê Amede de teslîm bigîrê se, ma heme kurdan teslîm gênê û tasfiye kenê. Hînê ebedîyen kurdî xo nînê, hînê çiray nêşta sereye xo hewanê. Zîndanê Amedî de pêşenge PKK nê şîyayîşê teluke ferq kenê. Verba îhanetî ra teslîm girotişî ra, bedenê xo rey de, ganê xo rey de xoverodayîşê xo berz kenê.
Ma gala zîndanê Amedî bikerê
Mazlum, Xeyrî, Kemal û Koma Çarini xoverodayîşê xo na dîrokî ra sernawera tarîxî nusnenê. Çerxe tarîxî apey tepa tadanê. Tebera PKK zî kom bena, seba şehîdanê zîndanê Amedî. Vanê ma qabê şehîdanê zîndanê Amedî sebikê, ma heyfê, qesasê înan senîhewa bigîrê. Her kes fikrê xo vano, kam vano ma gala zîndanê Amedî bikerê.
Ancî Rayverê Şarê Kurd biryarê muhîm î dano. Qabê şahadetê pêşengê PKK yan ra. Biryarê xoverodayîşê 15’ê Tebaxî gênê. Xoverodayîşê 15’ê Tebaxî virazîyeno. Xoverodayîşê 15’ê Tebaxî zî, şarê kurdan ra beno hêvîya girde. Mezganê şarî de, heme tersyayîşê qerakolan rişîyenê.
PKK xort bena, gird bena şarî mîyanî de, şar zî hînê beno PKK, PKK zî beno şar. Ewro zî PKK hereketê Azadî. Hareketê mêrdimahî ya. Hareketê Enternasyonalîzm ya. PKK senîhewa aver şî, bi rixistînî ra gird bî serkewtiş bî? Biyayîşê PKK verên ra, PKK partîya xebatkaran û kedkaran a. Partîya şehîdan û kedana. PKK xo mîyan de asin ra yew disîplîni gurênay. PKK de en sileho gird, rexneyo dayiş, rexnekerdiş o. Rixistinî de bedilnayîşê kesayetî ya. Rixistina cinîyan de averşîyayîş xoser yew şorişî ya. Ma ewro şorişê dinya ra ewnênê qet yew hareketê, partî, hinde muhîmey nêdayo cenîyan rêxistîn miyanî de.
Ewro PKK dinya rey de şer ceng kena, tena Tirkîya rey de nê. Kilaya şorişî Rojheleto Mîyanên de fînena. Zerrîya şorişî Rojhelato Mîyanên de fînena. Nê semed ra zî, dewletê emperyalîstî, Rojhelato Mîyanên ser o zahf vindenê.
En riza helqaya zeyîfe wira de qerfîyena. No semed ra komployê mîyanên netewî virazîyay. Emperyalîstî eke PKK tasfiye bikerê se, o wext Rojhelato Mîyanên de estore xo rehet xare danê. Ewro Tirkîya zî emperyalîstan ra paştî gêyna, o sebep ra şer de hinde israr kena.
Şarê kurd sero kayê qirêjî
Biyayîşê netewîya welatan de, her wexti de tengayî de yew Rayver, yew Mesîh. Yew camêrd vejîya yo. Ê şarê kurdan zî, Rayver Apo vejîya yo. Homayêtala şarê kurdan ra Rayver Apo bexş kerdo. Qet yew dewlete de, yew mileti de, heta dinya de semeda Rayverî de yewî xo, ganê xo ganî ganî feda nêkerdo. Xo cayir cayir nêveşna yo. Bawerîya şarî zahf zahf muhîm a. Ewo zî dewleta Tirkîya nê bawerîya û hesasîyetê şarê kurd sero kayê qirêjî kay kena. Bi nameyê ravêreyîya çareserî ra ancî kayê Osmanî kay kena.
ZAZA CEBELÎ