HEWKAR MISTEFA / ROJNEWS/HELEBCE
27ê Teşrîna peyêne 1978î de PKK ronîya û her serre serrgêra PKKyî yena pîrozkerdiş û derheqê awanbîyayîşî de çalakîyê pîrozkerdişî yenî organîzekerdiş û qiseykerdişî yenî kerdiş. Emser zî serrgêra 40. ya awanbîyayîşê PKKyî yeno pîrozkerdiş.
Mamostayê unîversîte Dr. Selam Ebdulkerdîmî zî derheqê serrgêra 40. ya awanbîyayîşê PKKyî de qisey kerd û fikrê xo ardî ziwan. Dr. Ebdulkerîmî dîyar kerd ke awanbîyayîşê PKKyî xebatê sîyasî û leşkerî yê herême de bedilnayîşê muhîmî viraştî û wina dewam kerd: “PKKyî felsefeya sîyasetê herême û xebatê azadîwaştoxî yê şarê kurdî de zî bedilnayîşî viraştî.”
Dr. Ebdulkerîmî dewamê qiseykerdişê xo de wina va: “PKK vakurê Kurdistanî de seba çareserîya problemê kurdî wayîrê fikrêko zelal bî. Heta nika zî fek ê fikrê xo ra veranêdayo. No seba azadîya şarê kurdî bî. Felsefeya sîyasî ya PKKyî warê rêxistinebîyayîş û îdarekarî de derbazê Rojawanê Kurdistanî bîye û heta dûştekî serkewte.”
Dr. Ebdulkerîmî bale ant ser xusûsîyetanê PKKyî ser û wina va: “Bitaybetî xeylê rolî seba cinîyan dîyar kerdî. Awanbîyayîşê PKKyî de rolê cinîyan aşkere yo. Heto bîn ra xebatê cinîyan de rolê ci yê cîya esto. No zî bîyo sebeb ke PKK heme partî û hetê sîyasî yê klasîkî yê herême û Rojhelato Mîyanên ra cîya bibo.”