Gurkan vîr ard ke no dorpêçî şaredarê heremî ser o, çikêkî newe nîyo û wina dewam kerd: “Hetê ci nê heme şaredarîyan binê kontrolî de yî, benî hedefê lincê sîyasî û propoganda zûran a serekkomar û temsîlkarê desthelatdarî. Bi girewtiş, binçimkerdiş û qutkerdişê butçeyê hewl danî ke şaredarî nêeşkerî cayê xo kay bikerî, nêeşkerî kar bikerî. Nika zî bi qeyuman gef şaredarê heremî ra wanenî. Na polîtîka provayê dîktatorî û netîceyê polîtîkayê şerî ya. Hetêko hewl danî îradeya sîyasî yê şarê kurdî bigerî, hetêko bîn zî eke bi nê operasyonan bi ser bikerî wazenî bi şuxilnayîşê heman rengî şaredarîyê muxalîfî bêveng bikerî. Têkoşînê dijî terorî de hincetêko seba awankerdişê pergalê dîktatorî ameyo xelqkerdiş.”
Hetkarîdayişê şarî
Hemserekê Partîya Şorişgeran Ufuk Gollu zî îzeh kerd ke zey destserkerdişê îradeya şarî name kerd.Gollu bal ant hawanayîşê destnêdayîşê wekîlan û wina peynî kerd: “Peynî wekîla niha dor ame şaredarîyan. Yeno waştiş ke heme qezencê Tevgerê Azadî ya Kurdî bêro talankerdiş. Zey partîyê pêrabesteyê HDKe ma Geverî ra şîyî, ma oca de rolê şaredarî dî, seba newe ra awankerdişê şaristanî ame xirakerdiş, ma rolo muhîm o şaredarî, rayvistbîyayîşê hetkarîdayîşî dîyî. AKPe no paştîdayîşê yewbînan xo ra kerda hedef.”
Sîyonîzmê Israîlî finak girewtî
Azayê Heyetê Rayberîya Merkezî yê ESPe Sedat Şenoglu seba hadreyîyê AKPe wina vat: “Kam hetî ra bêro nirxnayîş bila bêro nirxnayîş, şuxilnayîşêkî şermî yo. Seba ke selahîyetê temsîlkarî hetê şar ameyî weçînayîş, destê înan yenî girewtiş. AKP/Qesre a ke bi weçînayîşan nêeşkîyayî qezenc bikerî, hewl danî ke bi zor û şîdetî dek bikerî. No planê qeyumî, bi tena şaristanê heremî nêmano, CHPe zî mîyan de heme şaredarîyê muxalîfî bigêro mîyanê xo.”Şenoglu planê qeymetî zey şuxilnayîşê sîyonîzmê Israîlî yê ser herra fîlîstînijan, projeyêk seba ke sîyonîzmî ra ameyo girewtiş, eynî şuxilnayîşê mêtingerîya îngîlazan ê ke herra Hîndistanî bi ca ard, şuxilnayîşêko mêtingerî yo.
RÛKEN ADALI/ANF