Şîdetê polîsano ke hertim rojeve de yo, na reye zî xo Çewlîg de ramot. Çewlîg de di birayî û pîyê înan bi derbkerdişî ameyî tepiştene. Mehleya Ûydûkentî ya merkezê Çewlîgî de ciwano bi nameyê Berat Çeçeno ke aşxane de xebitîyeno, seba ke goştarî polîsan nêkerdo û nêvindeto raştê hêrişê polîsan ame. Polîsan Çeçenî rê heqeret kerd û ci derb kerd.
Birayê ciwanî Kadîr Çeçeno ke hêrişê polîsan dî û waşt ke birayê xo bipawo. Polîsan na reye hêrişê birayê ciwanî kerd. Dima ra zî pîyê ciwanan Lutfu Çeçenî waşt ke mudaxele bikero û vernîya şîdetî bigêro. Polîsan na reye zî hêrişê ey kerd. Polîsan bi şîdetî pî û her di lajê ey tepiştî. Rixmo ke şarî reaksîyon nîşan da zî polîsan tewirê xo nêbedilna û şîdetî hîna zêdena.
MA / ÇEWLÎG