1,5 Mîlyon Ermenî qetil kerdî
Serkan Sarîataş destnîşan kerd ke nê komelî ke teberî ardî heremê ermenîyan kaos vetî, dijî no kaosî zî ermenîyan xo pawitî û wina vat: “Ya ke peynî qewimya zî zey bêasayîşî ame nirxnayîş û bi na rewşe ra xo resnayî armancê xo. Ermenîyan serra 1915 de dijî polîtîkayê qirkerdişî xover dayî labelê no demê temamîya nûfisê Tirkîya 15 mîlyon bî û netîceyê polîtîkaya qirkerdişê 1,5 mîlyon ermenî ameyî qetilkerdiş. Nûfisê eyro ya Ermenistanî 3 mîlyon o û nûfisê Tirkîya zî bîyo 78 mîlyon. Na rewş bi xo rîyê polîtîkayê qirkerdişê rakeno verê çiman.”
Komîsyonê heqîqetan
Sarîataş ciresna ke polîtîkayê qirkerdişî eyro zî dewam kenî û wina dewam kerd: “Komê selefî bi no armancê Sûrîye ra ardî. Selefîyê eyro Sûrîye ra ardî ke do çarçiweya eynî armancê xo bişuxilnî. Na polîtîka eyro Gurgum de yena kerdiş. Senî ke waştî ca û warê cuya şarê ermenî çin bikerî, eyro zî bi komê selefî ra wazenî ca û warê komelê elewî yê kurdan çin bikerî. Seba komê selefî nika qezayê Pulur û Çemîşgezekî yê Dêrsimî de zî xebatê provokasyonî yenî kerdiş. Seba çinkerdişê warê cuye yê şarê kurdî eynî polîtîka eyro Kurdistan de yeno kerdiş. Kurdistan de doman, cenî û extîyar yenî qetilkerdiş û heme ganî yenî qetilkerdiş. Her çikê ke têgêrîyeno beno hedefê tanqan. Na yew dek û dolabê seba çinkerdişî, polîtîkayê înkarî eyro hema zî dewam kenî. No ser zî bi Komîsyonê Rîbirîameyîşê Heqîqetan eşkîyeno verê polîtîkayê çinkerdişî bêrî girewtiş.”
ANF/DERSİM