Xirabebîyişê Osmanîyan de Osmanîyan bi seserran va romit talazok wedarna, çîyê xirab werd çîyê xirab qin û fekê ey ra vejya. Osmanijan her tim bi şarê xo zilm kerd, bi beg û axayan, bi sîxur (ajan) û hetkerdoxêy xo, şarî rût û repal veraday. Şar hinî bîbi ke baca (vergîya) dareke, hera xo, zadê xo zî dayê Osmanîyan…
Kurdistanî de semedo ke daran ra zî bac ameyê girotiş şarî darêy ke estêy zî birnabîy û ê newe nêromitbîy. Ewro eke Kurdistanî de zafêr cayî bêdar ê se, semedê bac nêderêy Osmanîyan o. Herî peynî de osmanîyî zilma xo de xeniqyay û perçe perçe bîy… Ewro zî bi serekteya R.T.Erdoganî wazîyeno ke Osmanîyan rayeke bîn kuwe bikerêy.
Ez tîya ra rayeke bîn ani ziwan, dewleta ke şarê xo bi dînan bixapîno û qirkerdişan ra ravêrno se a dewlete qedîyaya û bê polîtîka ya ra tu meşrûyetîya ey nêmenda. Nimûneya Osmanîyan û zaf dewletêy bînan zî hinî bîyo ke axoyê heywanan ra zafêr boyeke giran dayê û danêy. Ewro zî şopdarê Osmanîyan TC dayo pey Osmanîyo merd o û perçe perçe bîyo. TC wazena ke merdeyê xo zindî bikero. Gelo şima pey hesyayê, keseke, kesoke merde û gorî de yo gorî ra weraznayo? Nê. Pekî psîkolojîya TCyî ya kurdan ser de yo çira kerayeke ra zî wişkêr o?
Beno ke hêza kurdan weş şinasnayê ra, nêwazenêy kurdêy ewroyine her yew bibo Selehattînê Eyûbî û dinyayî bîyaro çonganê xo? Raşto, tersa TCyî ya kurdan ra, tepiştişê Birêz Ocalanî ra zey neynikî eyseno. Tersa TCyî kurdan ra esto ke semedo kurdîy ekonomî ra bigêy her kiştî ra avera nêşêrêy.
No halî ra nezdî serrekeyo bonê kurdan bi top û tanqêy xo xiripnena heta tûtêy 6 aşmeyî zî qir kerdîy. Ewro Cizîr, Şirnex, Amed, Silopî û hewna zafêr şaristanêy Kurdistanî de qirkerdişê TCyî dewam keno.
Heta ney rojî min nêvînayo hukûmateke TCyî qala aştî û aramîya TC û kudan kerdêy. Hemeyî qalibo ke ezber kerdêy an zî dayê ezberkerdişî ra ewnîyenêy hemeyê kurdan. Yanê ez bi dileke germin vani ke problema kurdan çîno, PROBLEMA TC Û TIRKAN esto. Çimkî kurdîy heta ney gamî aştî û biratî ra behs kerdêy û ey werdêy û ey rîyê û rîyenêy.
La TC û hukûmatêy ci qala şer, qikerdiş û polîtîkayê gemarine ra aver çîyê nêvatêy û nêwerdêy. No hal dano eysayiş ke kurdîy başî rîyenêy, tirkîy zî semedo ke kar û mezgê înan şer û pêrodayişan de yo şer û pêrodayişî fek û qina xo ra rîyenêy.
Zatî no polîtîka înan heme partîyê muhalefetî zî giroto lepê xo. CHP zî zey Davutoglu xo kerda qeşmereke Qesra AKPeyî. Yanê waxta ke mijar kurd bibo se polîtîka qirkerdişê kurdan ra yew veng û yew reng berz beno. Zey nimûne wedarnayişê destnêdayişê pawiyayişê parlementerêy kurdan nimûneya herî peynî ya rengê tirkan o.
Pekî na rewşa wina xedar de kurdîy gereke se bikerêy ke, şero ke gur beno de zaf tayn zirar bivînêy û xelas bibêy? Gelo kurdan heme rayîrêy aştî û aramîyî qedînayê? Aştî û biratî beno ke hewna pêkan bibo?
Ehmedê Bira