Çiqas ke tolê xo vurna, zerya xo faşîst û nijadperest menda.
Verecoy rojnamenavanê tirkî Fehmi Koru hukumatê xorê modelê Srî Lanka peşnîyaz kerd.
Modelê Srî Lanka çik o? Tertel o.
Waxtedê na mordemek televîzoynan de seweta halkerdena mesela bi haştîye program virastenê. Nika modelê tertelî ano ra dewleta xo vîrî Fehmi Koru.
Profesor Zirtpirtöne kî waxtede şî bî Çolemerg. Ey kî o dem halkerdena mesela bi dîyalog wastenê.
Nika no profesor kî tertelê Kurdan wazeno. Hewnê xo na wo. Vano ‘dewleta mi dolimê 29îne xo dibare bikero.’
Jû profesor ke nîya bî, qomê xo çitur beno, endî eskera wo.
Na profesorî wastenê mebusê AKaPe bo, hama RTE nêwast û nêverda. Herhalde xizmeta xo tam jê wastena RTE nêbîye.
Niika coka bîyo har ke, rozê RTE cira vazo ‘tamam, ti tam nika jê vatena min a, caye kirşîye dan to, nîya devam ra bilawe.’
Mehmet Metiner kî hen kerd, peynîye de Erdoğan o guret lewê xo. Vat ‘verê çeverê mi de melawe, bê çokunê mi verde bilawe.’ Nîya Metiner rest mirodê xo. Hama nî rozan de onca kewt tenge. Ekran bi ekran fetelîno, axayê xora leborîne wazeno. Tabî jê her mordemê qileêrînî cirm erzeno PKK ser.
Profesorê ma kî tam na raye ra sono. Wazeno çimanê RTE kuyo. Çike RTE nika mesela Kurdan înkar keno, xizmekarê xo kî ey dima sonê. Profesor, rojnamevan, çi benê bibê, pêro wazenê Kurdan bikisê û nîya axayê xora astikê bijerê.
Profesor eskeranê Amerîka, rusneno Qandîl, peşmergan rusneno nêzon kotî, eskerunê Îranî fîno hereket, dorme ro Kurdan ceno, cira az nêverdano.
Mezgê xo mezgê mosun o. Tarîx de çond reye Kurdî tertele kerdê û peynîye şîya kotî, mezgê profesorî naye nêceno. Çike titelê xo esto, bingê xo yê zonayîşî çîno.
Profesor Îran qeyta nasnêkeno. O hen zoneno ke qom û sîyasetvanê Îranî jê qom û sîyasetvananê Tirkîya fikrînê.
Îran çiqas ke dismenê Kurdan o, onca kî kulturê xo yê pêrodayîşî û haştîye esto. Tabî fînîkê zonî naye famnêkenê. Mordemo ke zonayox nîyo, raye kistene de, zor de vîneno. Profesor Zirtpirtöne mordemeko nîyaneno.
Tabî yê na Ergenekona newîye xelê azayê xo estê.
Nî azayan ra jû kî Ahmet Altan o. Kistena domonanê Kurdan hetê eskeranê xora qebul nêkeno. Qetilkar eskerê tirkî sonê başurde dewunê ma bomba kenê, domonanê ma kisenê, neoergenekonîst Ahmet Altan vano ‘ez nêzon nî domonî hetê kamî ra amê kistene.’
Ahmet Altan endî bêguman rojnamevanê serokwezîrê xo yê pasayî yo. O kî endî çokunê axayê xo verde ronîşto û