Vera ziwan, kultur, huner û sewbîna yê kurdan de bêtehamulîya dewlete dewam kena. Polîtîkaya înkar û asîmîlasyonî her hetan de xo nîşan dana.
Parlamenterê HDPyî yê Stenbolî Zeynel Ozenî Meclîsê Tirkîya yê Miletî yê Pîlî rê seba pûlanê ke ser o resimê rayberanê Elewîyan estê çap bibê, muracat kerd. Selahîyetdaranê Meclîsî PTTyî resimê Pîr Sûltan Abdal û Haci Bektaş-i Velî tesdîq kerdî, labelê resimê Seyîd Rizayî red kerd.
Selahîyetdaran mazeretê redkerdişî ser o tena vat, “Merkezî ra tesdîq nêame.” Pûlê postayanê ke ser o resimê rayberanê Elewîyan estê tarîxê TBMMyî de wayîrê xusûsîyetêkê ewilênî yê.
PÎRHA / ANQARA