PYDî demê cuyayişê hedîseyê muhîmî de ronîya, ronayişê xo ra nika vera heme şert û mercanê zehmetî de seba azadîya şarê xo PYD xebat kerd, sey roja yewin bi qerar, coş û kelacanê hadreyîya kongreya xo ya 8’îne keno.
Peynîya seserra 20in û sifteyina serra 21’ine de cografyayê Rojhelatê Mîyanênî de averşîyayişê muhîmî qewimyayê, 15’ê Sibata 1999î de vera Rayberê Şarê Kurd Abdullah Ocalanî, hêzê Kapîtalîstî komployêk viraşt. Peynî şerê Emerîqa û Efganîstanî dest pê kerd û Emerîqayî Iraq îşxal kerd. Peynîya heme hedîseyan PYD ame ronayiş.
Hafiz Esad vera Tirkîya Kurdan reyde têkilî rona la lajê ey Beşar Esad şî Dewleta Tirk reyde pêameyiş viraşt. Peynî zî vera Kurdan polîtîkayê tedayî dest pê kerdê.
PYDî seba şarê Kurd û Surîyeye xebatê rêxistinê xo aver berd la belê rejîmê BAASî hepixaneyê Surîyeye bi endam û sempetîzanê PYDî de dekerdê. Ehmed Hisên (Pîyê Cûdî) û Osman Dadelî şehîd kewtê.
Serhewanayişê Qamişloyî
Vera polîtîkayê zilmî Qamişlo de Kurdî sere hawanayî, no serehawanayiş de PYD rolêko bi muhîm girewt ser xo. Rayberê partîye zanaynî ke do prosesêko newe despê biko, averşîyayişê na bawerî de analîzê Rayberê Şarê Kurd Abdullah Ocalanî rolêkê muhîm kay kerdê. Peynî zî Şorişê Rojawanî dest pê kerd û Kurdê Rojawanî heme komelî ra şoriş vila kerd û PYDî şaran şerê îqtîdarî ra dûr vist û rayîro hîrêyin rêxistin kerd.
Projeyê Netewa Demokratîke
PYDî sîstemê hemserekîye aver berd û mabenê cenî û merdeyî cîyayî nêmend, taybetî ciwanan partî de ca girewt. Sîyasetê rêxistinî yê PYDî hêzê tedakarî nêrehet kerd, herranê Surîyeya Rojawan û Vakûrî ra çeteyê Dewleta Tirk hêriş kerdê, armancê înan çinkerdişê projeye Netewa Demokratîke bî. Partîye vera heme nê hêrişê çeteyî de bi hêzê şarê xo, herranê xo pawitê. PYDî hedîseyî ke Rojhelatê Mîyanênî de cuyaynî ame ronayiş, nika zî hewna demê hedîseyê muhîm de kongreya xo 8’îne virazeno. Kongre de projeyê Netewa Demokratîk û Surîyeyêka bi heme rengê şaran newe ra awanbîyayiş do bêrê nîqaşkerdiş.
ANHA/QAMIŞLO