Bajarê Qamişlo yê Rojawanê Kurdistanî de bi hezaran kesan hêrişê dewleta Tirkî yê vera Başûrê Kurdistanî de şermezar kerd. Herêma Cizîrî ra bi hezaran kesê ke bi vengdayîşê Meclîsê Kantonê Qamişlo û Kongreya Starî Meydanê Şehîd Xebatî de ameyî têhet, hêrişê dagîrkerî yê dewleta Tirkî yê vera Başûrê Kurdistanî de şermezar kerd.
Çalakîye de pankartê sey, ‘Ma do bi ruhê Şeladizê dagîrkerîya dewleta Tirkî birijnê’ û ‘Efrîn ra heta Bradostî îşxalê dewleta Tirkî rê nê’ ameyî kiriştene û bi siloganan hêrişê dagîrkerî yê dewleta Tirkî ameyî şermezarkerdene.
Îdarekara Kongreya Starî Semer Abdullaha ke çalakîye de qisey kerde, daye zanayene ke dewleta Tirkî bi hêrişê dagîrkerîye yê vera Başûrê Kurdistanî de estena Kurdan hedef gêna û veng daye heme Kurdan ke wa vera dagîrkerîye de têkoşîn bidî.
Wa Kurdî vera hêrişan de bibî yewe
Hemserekê Meclîsê Rayberdişî yê Meclîsê Herêma Cizîrî Telhet Yûnîsî zî şehîdê qetlîamê Kobanê yad kerdî û wina va: “Dewleta Tirkî ya ke îradeyê şaran nas nêkena, bi heme metodan hêrişê Kurdan kena.” Yûnîsî vera bêvengîya rayapêroyî yê mîyanneteweyî de hêrsê xo nîşan da û veng da Kurdan ke wa vera dagîrkerîye de bibê yewe. Çalakîye bi siloganan qedîyaye.
ANHA / QAMIŞLO