Qandê azadiyê Ocalan kewtî miyanê hereketî

Eno siyasetê tecrîdê vera Ocalan’î, hêrsê kurdistanijan keno vêşî.

Gencê kurd qandê azadiyê Ocalan’î, çalakiyanê xo kenê vêşşî. DEM-GENÇ qandê azadiyê Ocalan’î biqîrê û eleqey biancê rol û muhîmînê Ocalan’î ser dest bi xomûsnayinanê 3 rojîn kenê. Xomûsnayinê DEM-GENÇ’ê ewro xeylê cayanê Kurdistan û Tirkiye dest bikirê ci û hîrê rojan biramê.

Hetanî azadiyê Ocalan

Rayveranê DEM-GENÇ heme gencanê kurd û çoşmanê demokratîk ra wast ki, tewrê xomûsnayinanê 3 rojîn ê qandê azadiyê Ocalan’î bibê. Kişta bîn ra, Federasyonê Komeleyê Keyanê Giroteyan TUHAD-FED jî, vera siyasetê tecrîdî û qandê azadiyê Ocalan’î kewt miyanê hereketî.

Hevserokê TUHAD-FED’î Mehmet Temîzyuz û Bahar Okay siyasetê tecrîdê vera Ocalan’î ser bi rayveranê federasyoniya piya, kombiyayişê çapemenî viraşt.Hevserok Bahar Okay kombiyayişî de qisey kerd û vist vîrî ki, Ocalan vera heme zext û astengiyan, çareserîn û aştî de israr keno û vat: “Şarê Kurdistan û Tirkiye kerdenanê dewleta tirk ê vera Ocalan’î qebûl nêkenê.”

Okay ard ziwan ki Ocalan qandê raveyberdinê demê çareserîn wayirê rol û tesîrê zaf girdo û vat: “Gerek peyniyê kerdenanê vera birêz Ocalan’î biyariyo. Gerek verniyê Ocalan’î abiyo. Ocalan bişo bi hereket û şarê xoya, pêdiyinan virazo.”

Hevserokê TUHAD-FED Mehmet Temîzyuz jî kerdenê dewleta tirk ê vera Ocalan’î zey astengkerdinê aştî hesibinay û wast ki rojê ravey peyniyê ê kerdenanê vera Ocalan û giroteyanê siyasî biyariyo. 

 DÎHA