Sey ke yeno zanayîş 16ê Nîsane de do referandûm bêro viraştiş. Nê rojan de kesê ke fikrê xo aşkera kenî zêde benê.
Serekê Enstîtuya Pomakan yê Stockholmî Îbrahîm Kenarî derheqê referandûmî de qisey kerd û seba ‘nê’ veng da heme kesan.Kenarî wina va: “Selahîyetê ke yenê dayîş nêdîyenê serfermandaran daxî. Goreyê nê selahatîyan kesêko bibo serek êdî nêşêno. Ma qanûno bingeyî yo nikayîn nêpawenî. Bedilnayîşê ke yenê kerdiş, qanûno bingeyî yo nikayîn ra hîna xirabêr o û do probleman virazo. Ma qanûno bingeyî ra demokrasî, aştî, azadî, heq û pawitişê şaran pawenî. AKP û MHP qanûnan nêvirazenî, orte ra vedarnenî. Pomakî nê çîyan qebul nêkenî.”
Pomakî dîktatorî rê vanê nê
Kenarî qiseykerdişê xo de va ‘bedilnayîşê 18 madeyan nîno qebulkerdiş’ û wina qedêna: “Nê bedilnayîşî welat ver bi kaos û tarîtî benê. Selahîyetê ke yenê dayîş benê şûrê rejîmê kesêkî. Pomakî do vera dîktatorî û rejîmê kesêkî de vajî nê.”
STOCKHOLM