Li bajarê Silêmaniyê jî bo her du jinên Şoreşgerên Kurd, Leyla Qasim ku di 12’ê Gulana 1974’an de  jî alîyê rejîma Baas ya wê demêve lî Bexda û Şîrin Elemhulî ku jî alîyê rejîma Îran ve lî Tahranê hatîbun dardekirin, jî alîyê saziya RJAK’ ê ve lî "Nivîsgeha Saziya Jiyanewey Gencan" seminer hat dayîn, seminer ji alîyê herseroka PÇDK ‘ ê Necîbe Omer ve hat dayîn. Seminer bî deqeyek rêzgirtin jî bo giyana  şehîdên Kurd û Kurdistanê hat destpêkirin. Di seminerê de, herseroka PÇDK’ ê Necîbe Omer basî kurte diroka jîyan û qehremantiya  herdu jinên şoreşger ên Kurd kir û got: “Ev herdû jinên Kurd di diroka biyasî ya Kurdistanê de weke pêşeng û qehreman navê xwe danine."

Necîbe Omer çalekiya her du jinên Kurd bi ser hev ve bir û got: “Her du jinên şoreşgerên Kurd çalekiya wan wek hev bû, lê Leyla Qasim beriya çalekiyê hat girtin, Şîrin Elemhulî çalekiya xwe bi serxist, piştre hat dilgirtin’’
Di seminerê de Necîber Omer bal kişand ser pêşengiya jinên Kurd ku di dirokê de. Omer da diyarkirin ku jinên Kurd di dirokê de, her tim pêşengtî kiriye û bune mînak jî bo gelên din jî. Mîna  dema ku Leyla Qasim 12' ê Gulana 1974’an  dibin ber sêdarê, wê demê rejima Baas ji Leyla Qasim dipirse; "ger tu lêburine bixwazê emê te rizgar bikin", li ber sêdarê Leyla Qasim ji, ji bo rejima Baas re dibêji; "tenê ez dikarim ji gelê xwere lêborinê bixwazim, ji ber ku min nekarî hinzêdetir xizmeta gelê xwe bikim." 

SILÊMANÎ