Zerrê ma seba Rojavayê Kurdîstan weşeno. Rojavayê Kurdîstan parçeyek cane ma wo. Parçeyek kîye ma wo. Parçeyek way, dayî, baw, bira, pîr, pîrik, tut, xal, xalkeyna, emkeyna, naj û apê ma wo.

Rojavayê Kurdîstan parçeyek Kurdê Kurmanc, Kurdê Soran, Kurdê Hewreman, Kurdê Kird(Dimil), Kurdê Lor, Kurdê Kelhur, Kurdê Lekî yo. Rojavayê Kurdîstan eza, tiyê,  oyo, şimayê û mayê. Azadîyê Rojavayê Kurdîstan, azadîyê çar parçe Kurdîstanê yo. Azadîyê ma pêronîyo.
Dişmenê Şarê Kurd na raştî weş vînenî. Seba nayê dişmenê Şarê Kurd, bi teybet Dewlata Tirk, veng nîvindena.
Pê name, pê dergehê ciya ciya mûdaxalê Rojavayê Kurdîstan kena.  Bi teybet(xusûsî) bin name komalê(dernek), weqifê û weşanxane dînî, çeteyên dişmenê dînê Îslam rêxistina kena û şiravena Rojavayê Kurdîstanî. Pê înan çeteyan, şarê Kurd yê Rojavayê Kurdîstan dana kiştiş. Hina kena kî, Şarê Kurd azad nîbibo û ser erdê xo de sermeyanê xo nîbibo.
Dewleta Tirk  pê nayê kesan, komalan, weqifan, banqê peran û weşanxaneyan çeteyên dişmenê dînê Îslam rêxistin kena, seba qirkerdişê Şarê Kurd şiravena Rojavayê Kurdîstan.
Serwerê çeteyên dişmenê dînê Îslam  yê El-Qaîde aye kî Kurdîstan û Anatolî de çeteyan rêxistin kenî û şiravenî Rojavayê Kurdîstan:
“Muhammed Balcioglu. Bi name(qod) Muhammed Ebû Saîd El Yarbuzî yeno şinasnayîş.
Hetê MÎT’ê Tirkan ra ameyo wezîfekerdiş. Serekê El-Qaîde yê Kurdîstan û Anatolîya yo.
Feyzullah Bîrişik. Meletîyijo. Serwerek çeteyên dişmenê  dînê Îslam yê El-Qaîde yo.
Abdullah Yolcu. Kerkûkijo. Weşanxane eyî estî.
Halis Bayuncuk. Çewlîgijo. Bi name Ebu Hanzal yeno şinasnayîş”.
Komal û weqifê kî bin name yardimkarî, çeteyan şiravenî Rojavayê Kurdîstan:
“IHH,  Deniz Feneri Derneği, Kimse Yok mu Derneği, Wefa Der, Dîlok-Bülbülzade Vakfı, Dilok-Erdemliler Cemiyeti, Vahdet Vakfı, Suriye Türkleri Derneği, Cansuyu Derneği, Verenel Derneği, İmkan Der, Suriye Birlik ve Yardımlaşma Derneği, Ribat Yardım Derneği, Sadakataşı Derneği, Özgür-Der , Garip- Der ,Çewlîg Îrşat  û Davet Derneği, SETA Vakfı û Anadolu Platformu.
Pêro Komalê Kurdîstan û Anatolîya yê Ensar- Der.
Pêro Komalê Kurdîstan û Anatolîya yê Ilîm-Der”.
Weşanxaneyê kî, çeteyên dişmenê dînê Îslam rêxistin kenî:
“Neşriyat.Wayîre no weşanxane Yusuf Ensar Çalişkano.
Guraba, Ummuk Kura û Hadîs. Wayîre nayê weşanxaneyan sereke çeteyan Abdullah Yolcu yo”.
Bankayê pereyan aye kî, pê pere çeteyan rêxistinkenî û şarê Kurd danî kiştiş.
“Faysal Finans-Wayîre na banka Salih Ozcan Rihayijo û Fetullahîyo, A.Tevfîk Paksu Meletîyijo û Fetullahîyo, Halîl Şivgin Enqereyijo  û Fetullahîyo.
 Al Baraka Türk-Wayîre na banka Fetullah Gûleno.
Bank Asya-Wayîre na banka zî Fetullah Gûleno.
Anadolu Fînans”.
Teberê nayan de Cemaatê Fetullah Gûlen, bajarê Suleymaniye de Mizgefta Gewre, Mizgefta Nur, Bextiyarî, Kanî Îskan û Mewlana Xalid de ciwanê Kurd rêxistin keno û seba kiştişê Şarê Kurd yê Rojavayê Kurdîstan şiraveno.
Nayê pêro karê lişîn,  Rêxistinê Fetullahî Gladîyoyê Otûken, AKP, Cemaatê Fetullahî û MÎT koordînê keno.