Qezaya Ebex ya Wanî de badê ke qayûm tayînê şaredarîya Partîya Herêmê Demokratîkî (DBP) bi dewî ameyî xovîrrakerdiş. Cinîyê ke dewa Salmanî yê Corî de cuyenî dîyar kerdî ke ti selahîyetdar nînê dewa înan û ti xebate nîna meşnayîş. Babete ser o cinîyê bi nameyê Denîz Dagdemîr, Seher Elma û Ayşe Demîre qisey kerdî.
Dagdemîre qiseykerdişê xo de arde ziwan ke her çiqas ke dewa înan dewa tewr pîl ya qeza biba zî dewe wêran bîya û wina va: “Badê ke dest dayî serê şaredarîya ma, dewa ma ame peygoşkerdiş. Lazimîyê ma bi ca nînê. Ebex de 99 dewî estê û dewa tewr qerebalix ya ma ya. Tîya de ti xebat nîna meşnayîş. Aşmanê Zimistanî de zaf şilîye varena. Heme çî mîyanê çamure de maneno. Ma şaredarîya xo tepîya wazenê.”
Seher Elma û Ayşe Demîre zî ardî ziwan ke ê êdî qayûm ra çîyêke nêpawenê û verê qayûm şaredarî heme lazimîyê înan bi ca ardêne, la nika ti kesêk nîno dewe.
WAN