Qezaya Cizîrî ya Şirnexî de wextê qedexeyê tebervejîyayîşê kuçeyan ra dima şaredarî taxa cudî ke zirar dîbî de kuçeyê Gulene kerrayê parke kerdbî. La şaredarîya ke qayûm tayînê aye amebi kerdene bi mehneya do asfalt bêro kerdene kerayê parke wedarnaye. Kerrayê parke aşmêk verê cû ameyi wedartene û herinda înan nêameyî asfaltkerdene. Wexto ke varan vareno û beno şîlî kuçe mîyanê çamure de manena û hemwelatî wexto ke kuçe ra derbaz benê dêsan tepişenî û bi no hawa derbaz benê.
Hemwelatîyêke xebatê ke qayûm keno sey îşkence biname kerde û wina va: “Qayûm ma perîşan kerdo. Vatî ma do asfalt bikerê û kerrayê parke wedarnayî. La cayê ke yenê asfaltkerdiş dûrê tîya yî. Eke wina bi çira kerrayan wedarnayî? Bi aşmêk ma nê ezîyetî ancenê. Verê ke çile bêro ma na rewşe de yê. Ma do çile de se bikerê? Seba na çamure wesayîtî zî wexto ke derbaz benê hêdî derbaz benê. Domanî seba çamure nêeşkenê vejîyê teber.”
ŞIRNEX