Hewteyo bîn ma xeberêka xo de daybî ke qayûm Ferhat Vardaro ke tayînê Şaredarîya Qelqelî ya Wanî bîbî, bi şewe wendişê selaye qedexe kero. Badê ke na xebere hetê xeylê ajansan ra ameye dayîş, nika zî ame musayîş ke eynî qayûmî seba ke çimeyê xebere cigêrayîş bikero, komîsyonêko bi nameyê ‘Komîsyonê Tespîtkerdişê Xebere’ awan kerdo.
Qayûmî vernîya Qesra Qeymeqamîye bi polîs û barîyeran qefilnayo û Caddeyê Cumhurîyetî ke caddeyo tewr qelebalix o zî, trafîkî rê padayo. Qayûmo ke wendişê salaye qedexe kerdbî, nika zî kewto pey keso ke xebera qedexekerdişê wendişê selaye dima.
Ame musayîş ke qayûmî seba ke cigêrayîş bikerî, karmendan ra komîsyonêk awan kerdo û talîmatê ‘melayê ke nê kesê ke xebere viraşta rê qisey kerdî, tespît bikerênê û kar ra bierzênê’ dayo. Komîsyono ke hetê qayûmî ra ameyo wezîfedarkerdiş, dest bi xebatan kerdo. Komîsyonî na çarçewa de xeylê muxabîran gêrayî û seba tespîtkerdişê çimeyê xebere persan pers kerdî.
Ame musayîş ke komîsyon do melumatê ke arê bikero, sey raporî pêşkêşê qayûmî bikero.”
ANF/WAN