Serva-semedê ‘qedexê’ yê verra PKK wedariyo û tepişteyê siyasî serbest viradiyê mavêna 10-12 aşma Kanûne de serî de Almanya û xeylê cayê Avrupa de, nûmayiş-çalakî viraziyayî.
Mannheîm de nûmayiş
Nûmayiş hetê NAV-DEM û Meclîsanê Demokratik ê Kûrd viraziya, xeylê saziyan zî paşt daye. Sûka Almanya Mannheîm de, bi na wastena mitîng viraziya. Nûmayiş de waziya ke, verra Rayverê Şarê Kurd Abdullah Ocalan tecrîdê giran wedariyo. Sûka Hîldesheim de zî bi eynî waşten, stand roniya. Stand de, resîmê tepişteyanê siyasî yê ke Almanya de giroteyê, aliqiyay vilavokî bî vila. Serva serbest viradayinê tepişteyan, îmzeyî are bî.
‘Tewrê nûmayişan bibê’
Sûka Hamburg de zî semedê wedarnayinê tecrido ke ser Rayverê Şarê Kurd û ‘qedexê’ yê verra PKK hetê Tatort Kurdistan panel viraziya. Panel de, kitavê azaya
ronayişanê PKK ra Sakine Cansiz, ‘Weşiya mi tim lej bî’ ra jew lete ame wendin. Çarçoweyê nûmayişan de, îmzeyê ke amey arekerdin, postexane ra erşawiyay. Jew heyetek ser nameyê Meclîsa Ceniyanê Rojbîn, bi Rêxistina Ef yê Mavên-netewî ra derxeqê tecrîdî de, pêdiyayin viraşt. Roja şemî zî Hamburg de, saet 15.00î de, ver girotxaneyê Altona Dammtor de çalakî viraziyeno. NAV-DEM veng da heme kurdistanij û dostanê ci ke, tewrê çalakiyan bibê. Paytexta Almanya Berlîn de zî, tepiştişê siyasetmedaranê Kurd, verê Wezaretê Karêzerî de ame protesto kerdin. ATÎK û Almanê ke azayê Komîteyê Solîdarîtät Kurdistanê desteg dayî. Qisey û vilavokan de hayr anciya lejo ke hetê dewleta tirk ra yeno ramitene ser. Bi eynî meqsedî Koln de zî, ver zindanê Koln Ossendorf de şelig amey pêhet û Almanya ra waşt ke, giroteyê siyasî serbest veradên û ‘qedexe’ yê ser PKK wiradên.
Fransa û Hollanda de nûmayiş
Bi aynê wastenê Fransa de zî çalakî viraziya û hayr anciya tecridê giran yê verra Rayverê Şarê Kurdî Abdullah Ocalan û xoverdayîşe Bakûr ser.
Yew çalakî zî bajarê Hollanda Amsterdam da viraziya. Kurdistanijî ver Konsolosxaneyê Almanya de amey pêhet û wastena serbes viradayenê giroteyanê siyasî û wedarayîşe ‘qedexe’ yê PKK ardî ziwan.
NAVENDÊ XEBERAN