Serokê Şaredarîya Pulurî Fatîh Maçoglu babete ser o qisey kerd û da zonayene ke dewleta tirkî nika Kurdistan de binê pêkewtişî de xoza qir kena û planê dewlete mabenê şarê kurdî û xoza de têkilî qutkerdiş o.
Maçoglu qiseyanê xo de hayr ant qirkerdişê xoza ser û hina vat: “Kurdistan de çiqas warê cuya hera benî, ewqas dewlet zeîf bena. No ser zî dewlet ser piro zey polîtîkayê lêmin ê vengkerdişê dew û şaristanan, talanê xoza û viraştişê bendawan kena. Ganî dijî nê polîtîkayê lêmin ê dewlete xoverdayîş aver şîro. Hetê merdimî kerdişê dewlete ganîya ke bêro şermizarkerdiş, belkî eyro zaf xoverdayîş çin o la rojê ameyox de do xoverdayîşê şarê kurdî hîna berz bibo.”
Warê fîrazî bipawime
Maçoglu aşkera kerd ke xoza wayîrê ekopergalî ya û qedexeyî dijberî qanûnê xoza yî û wina dewam kerd: “Hokeyê sîyasal, ekolojîk û sosyalîstî de hişmendîya xoza aver şîya la ganîya ke na hişmendî pratîkî reyde lanseya cuya bêra kerdiş. Merdimî ke 400 serrî verê xoza reyde pîya cuyayî û koyan firaz îlan kerdî û ona cuyayî. Eyro ma zî ganî warê firazî bipawî.”Maçoglu bal ant xebatê înan ê komunal û ekolojîkî û wina peynî kerd: “Armancê ma qezenckerdişê pereyî nîyo wa her kes no bizano. Ma wazenê têkilîya berardişî ser o polîtîkaya şarî xelq bikerî. Finak kesêkî karê çay û findikî reyde elaqadar beno, ganî no ser yew rayvistişî awan bikero û eke heywangerî keno no ser zî kooperatîfîya heywanî aver bero. Ma xebatê xo de xoza pawiyenî. Ma pergalê kapîtalîstî red kenî û çarçiweya sosyalîstî xebat kenî.”
DÎHA/DERSIM