Di no mîyanê de 11 şerwanan bi rayîrê cîhazê ciresnayişê veng embazê xo kerdî û vatê; ‘ma qet teslîm nêbenî’ 11 şerwan zey qehremanê sifteyin ê destan xoverodayişê Kobanê amey weçinitiş.
DAIŞê di 15’ê êlule de hêrişê xo yê dijî Kobanê day destpêkerdiş û di rojê destpêka pêkewtişan de dewe Serozrê koma YPG/YPJ ya Peyman, Berfîn, Ciwan, Serhîldan, Rodî û kesê sewbî yê ma nameyê înan bander nêkerd pê ameynê, hetê çeteyê DAIŞê amey dorpêçkerdiş. Şerwanê ke di wendegehê de yenî dorpêçkerdiş dorûverê wendegehê de di tanq yenî bicakerdiş û çete vînenê ke şerwan teslîm nêbenî adir veradonê wendegehê. Dema adir veradonê wendegehê zî qehremanîyeke gird yena nîşandayiş. Fermandarê şerwanan bi telsîzê vanê; ‘ma qet teslîm nêbenî. Seba ke ma weş şer nêşkîya bikerê ma efû bikerê.’
Fermandara YPG/YPJ Meryem Kobanê der heqê babete de wina vat: “Nê şerwanan sifteyin qehremanê xoverodayişê Kobanê yê. Ma ra zî maneno, ma no xoverodayişê înan biresnê serfirazî yê.”
BI XOVERODAYIŞÊ
Fermandara YPG/YPJ Kobanê da zanayiş ke roja destpêka hêrişan destpê kerd yanî 15’ê êlule eniya rojhilatê dewe Serzorê 5 zî cenî 11 embazê ê di wendegehê de amey dorpêçkerdiş. Kobanê wina domna: “Embaz Peyman, Berfîn, Mizgin, Rodî, Ciwan, Serhildan û 5 kesê sewbî di şewa 15’ê êlule de saet dora 03.00’an de di wendegehê dewe de hetê çeteyan amey dorpêçkerdiş. Embazan di destpêka pêkewtişê de bi telsizê qise kenî. Çeteyan ver bi sibeyî di tanq bica kerdî. Vengê teslîmîyetê embazan kerdî. Embazan zî bi dirûşman verpers day û ma zî verpersa ê di telsîzê de goşdarnay. Embazê ma qet teslîm nêbîyê û xoverodayişê xo heta 16’ê êlule saet dora nêmro verdewam kerd.”
Kobanê vat ke derfetê ê ke hetkarî biresnê embazê xo ra çinêbî û Kobanê wina dewam kerd: “Ma çend rayan ceribnay, tanqan ma asteng kerdî la embazê ma yê hetkarî berdî zî şehîd kewtî. Çeteyê DAIŞê zî vînayê ke nêşkenê embazan bigêrê. Wendegeh day ver adir. No zî wehşetîya çeteyan mojnena” Kobanê destnîşan kerd ke dema wendegeh day ver adir, koma zereyê fermandar Rodî bi telsîzê xîtabî ê kerdo û wina domna: “Embazê ma di telsîzê de vatê; embazno bena ke di ravêyeya têkoşîna ma de ma yewnan şiknay, kerema xo ra ma efû bikerê. Ma ê yew bi yew hembêz kenî. Ê maçî kenî. Ma zaf zî nê embazê xo ra hes kenî. Bena ke wezîfeya xo ya kewta ser milê ma weş nêard ca. Ma heta peynîya Kobanê nê pawiya. DAIŞ qet ma bi ganî nêgêro dest. Ma zaf Kobanê û şarê Kobanê hes kenî.”
Kobanê ciresna ke şerwan heta peynîya guleyan huyay û pêkewtiş saet 03.00’an heta nêmro verdewam kerdo û wina peynî kerd: “Ê heta peynîyê bi ma ra qise kerdî. Ez zanana ke ê bimrî zî vengê înan, moralê înan qet nêkewt. No qehremanîya înan nîşan da ke dijminê ma çiqas hov beno bila bibo nêşkeno îradeya şerwanê ma bişikînê.”
SEDAT SUR/ANF/KOBANÊ