MIHEMED HESEN / ROJNEWS
Welatîyê ke Binare Qendîlî de cuyenî, berê ke aşmanê wisar û hamnanî de amade kerdbî û eştbî şikefteyan mîyan, nika ê beran şikefteyan ra vejenî û bazaran de roşenî. Kesê ke dewanê Binare Qendîlî de cuyenî, wisar û hamanan penîr, toraq, lor û sewbîna beran amade kenî. Dewijî nê beran seba ke xira nêbî, dekenî mîyanê çal û şikefteyan. Payîzî zî nê beran seba ke bazaran de biroşî, şikefte û çalan ra vejenî. Wexto ke payîzî varan vareno, welatîyî ver bi şikefteyan kewenî rayîr û qasê lazimîya xo ê beran şikefteyan ra vejenî û bazaran de roşenî.