Başûrê Kurdistanî de 25ê Êlule de referandûm virazîya û viraştişê referandûmî ra dima Meclîsê Iraqî û hukmatê Iraqî vera Başûrê Kurdistanî de xeylê qerarî girewtî. Heto bîn de Amerîka û welatê bînî zî referandûmî red kerdî.
Parlamentera Tevgerê Goranî yê Herêma Kurdistanî Behar Mehmûde derheqê babete de qisey kerde. Behar Mehmûde va ‘wextê vîyarteyî de çi ma û çi zî tevgerê ma nêva wextê referandûmî nîyo’ û wina dewam kerde: “Ma va ke şima cayêko şaş ra dest pêkenî. Heme bingeyê qanûnî temam nêbîbî. Heme etirîyayîşî zî bi hawayo aşkere estbî. Cok ra ma waştêne ke wa referandûm taloq bikerî.”
Behar Mehmûde dîyar kerde ke xeylê probleman mîyan de referandûm nêvirazîya û wina domnaye: “Qerarê ke hetê Bexda ra ameyî dayîş, hetê qanûnan de nêşenî temaşe bikerî. Çimkî zafaneyê nê qeraran qanûnî nîyî. Çira Ebadî no proses de îqtîdarî bi kar ano. No yeno manaya ke hetê sîyasî yê qeraran esto. Cok ra boya faşîzmî nê qeraran ra yena. Ganî Komîsyonê Referandûmî hîna zaf hakimê babeta referandûmî bibîyêne. Ez bawer kena ke nika ê tayê tavîzan bidî.”
RÊBÎN YUSIF/ROJNEWS