Hukumat û dewleta tirkî hata des serrî ra avê nêverdenê kes qesey bikero, fikirê xo vazo.
Nî serranê peyenan de na hal vurîya. Mordem şîkîno qesey bikero. Teyna qesey bikero. Çike peynîye de onca hepis esto, merdene esta. Yanê qesey kerdene bê bedel nîya. Îta de serrê virenî hebena rind bî.
Mordemî zonene kê ez ke nika qesey bikerî, peynîya xo ya hepis o ya merden a. Na eskera bîye. Jûyî ke qesey kerdene zonenê se beno. Bedel çik bî, mordemî naskerdenê û qebul kerdenê. Mordemî xora vatenê ‘merdene ke merden a, na xire xire çi...’
Nika demê hukumatê AKaPe de nîya nîyo.
Hukumato tirk yê RTE vano ‘her kes şîkîno fikirê xo vazo, her kes şîkîno her çî sero hureno’ Raşt ke hebe hen yo.
Hama kam ke qesey kerd, desinde ke nêbo, roze yena erjîno hepis. Hata tayê çîye ke mordemî des serrî naye ra avê vatenê û bêceza mendenê, nika endî ceza xo esta.
Hukumat û dewleta RTE dama henen nêro ke, keşî famnêkerde.
Pîlanê hukumatê tirkî no bî: raverde milet qesey bikero, zerrê kamî de ke çi esto vazo, dima peroyîne dame arê keme zerre.
Sloganê xo no bî: Gem sistkerîme, hama bê xevera ma herd û asmen ra teyrê ranêpero.
Na mavên de nêvinete dewleta tirkî. Dama xo nîya bîye:
Kamî ke slogan est, guret kamera.
Kam ke kewt numayîs guret kamera, qeyd kered.
Kam ke verva dewlet û hukumatî zirça, qeyd kerd.
Kamî ke vat ‘ez pê na hukumatî qayîl nîyu’ guret kamera, qeyd kerd.’
Kamî ke vat ‘ez na sîsteme ra hasnêken, o qeyd kerd.
Kamî ke telefon kerd, o telefon qeyd kerd.
Komel û partîyanê muxalefet de kamerayî nayî ro, her çî qeyd kerd.
Kamî ke nusna û fikirê vat, o qeyd kerd û guret kamera.
Nika AKaPe vana:
To slogan est, bê zerre!
Ti kewta numayîs, bê zerre!
Ti pê ma qayîl nêbena, bê zerre!
Ti sîstema mara hasnêkena bê zerre!
To telefon kerdo, bê zerre!
Komel û partîya to de qalê ma bîyo, bê zerre!
Ti jê ma nêfikirîna û nênusnena, bê zerre!
Peynîya demokrasîya AKaPe de na esta. ‘Kürt açılımı’ ra rêçe nêmênde. Kamî ke na deerheq de qesey kerd, nika hepisxane dero.
Nika nî rozan de tertele Dersîmî sero hurenayîşî estê. Roze yena AKaPe, kamî ke na derheq de fikirê xo vato, ey kena hepis. Çike ‘Kürt Açilimi’ yê AKaPe de nîya bî.