Rojê Bazar yanî vizêr ne perê Adanê de yew qijê Kurd yê bîn hetê polîsê Tirk re ame kiştiş.

Kiştişê Îbrahîm Arasî wehşîtî bî.
Tam serê eyê de nawa pa, serê eyê pernawi bi.
Mezgê serê cayêk re, qafê eyê cayêk re vila bibi.
Tam yew wehşet bi.
Polîsê Tirk ayê ke qijanê Kurd kişenê, pê talîmatê R.T.Erdogan no qetilkarî kenî.
Ma zanênê, R.T.E 2006 de vatibi, “Qij zî benî, dayî zî benî pirodênê bikişênê”.
Zobî zî wexto ke polîsê Tirk par Serhildanê Gezî de însan Kurdê Êlewî û Erebê Elewî kiştibî, R.T.E eynî hina vatibi, ”Polîsê mi destan nuştî”.
Eynî R.T.E, 13ê  Hezîranê meclîsê Tirk de hina talîmat da polîs û eskerê Tirk û  va:”Pirodênê Qijanê Kurd bîyarênê war û tam çarê înan re pirodênê”
No qisêkerdişê R.T.E dima re pêronê Rojnamê Tirk manşetê xo de nuştibi,”Pirodênê bîyarênê war”.
Heftêk nîvîyert, polîsê Tirk Adanê de Îbrahîm Aras kişt.
Dayî, baw û merdimê Îbrahîm Aras vanî, şima Îbrahîm Aras kişto.
Polîsê Tirk yê qetilkar de ne haya ne zî şerm esto, şerm nîkenî û vanî, “Ma sêdê mirçikan kenî”
Qijanê Kurdan zê mirçikan vînenî û kişênî.
Raştîya R.T.E û polîsê Tirk hinawa.
Eşkeraya R.T.E, polîs û eskerê Tirk qetilkarê qijanê-domam- Kurdê.
La çapamenîya Tirk qet û qet qalê kiştişê Îbrahîm Aras nîkena.
Ser de zî zûran kena, vana “Îbrahîm Aras waşt ke bombayê veng bierzo polîsê ma, la eyê de teqaya”.
Ma zanênê pêronê kiştişê Kurd û qijanê Kurdê de çapamenîya Tirk hina nusnena.
Çapamenîya Tirka ke hina nusnena a çapamenî zî qetilkara.
R.T.E, polîs û eskerê R.T.E û çapamenîya Tirk pêro qetilkarê Kurd û qijanê Kurdê.
Pêro qatikarê Ugur Kaymaz, Fatîh Tekîn, Enes Ata, Xezal(Ceylan) Onkol, Mehmet Uytun û tutanê Kurd ayê bînê zî.
Heta ke, Kurdistanê ke azad nîyero awankerdiş û ma sermîyanê welatê xo nîbî û kiştişê qijanê ma dewam bikero.
Kam ke vano wa qijanê Kurd nîyerê  kiştiş, gera verêcû seba Kurdistanêk azad tekoşîn bikero.