Zilm û zordarîya Hukimata AKP û MHPî her rasteyê xo de nîşan dana, demo vîyarte de goristanê Kurdan ameybî xirakerdiş, nika bi talîmatê rayedarê AKP û MHPî êdî oxirkerdişê cenazayan ra rêz nîno nîşan dayiş, no zîhnîyeto faşist xo cenazaya Helîn Boleke de zî xo nîşan da. Endama Grup Yorumî Hêlîn Boleke roja 288. ya rojeyê mergî de cuya xo vindî kerde. Boleke vera zextê dewlete de dest bi rojeyê mergî kerdbî û 288 rojan xover daye. Cenazaya Boleke ya ke bi vilikan ameye xemilnayene hetê cinîyan ra ameye wedartene.
Endamê Grup Yorumî Îbrahim Gokçeko ke o zî rojeyê mergî de yo pê sandalîye tewrê merasîmê cenazeya Boleke bî û hemraya xo ra xatir waştbî. Cenaze Kuçuk Armutlu ra ameybî girewtiş û ame waştene ke bêraCemxaneyê Okmeydanî. Polîsan waşt ke cenaze nêra Cemxaneyî. Çîyo ke merdiman dejneno oyo ke rojêka winasî de daxî fek hêrişan nîno veradayiş û bi fermanê selahîyetdaran merasîmê cenazeyan yenî astengkerdiş. Ganî bêro vîrvistene ke hêrişan de xeylê kesî zî ameyî tepiştene.
Gelo no bêteemmulî seba çîyo? Pêroyina Dinya rojanê xiraban ra vêrena. La reyna zî hîssanê nijadperestîye ra fek nîno veradayişî. Kam beno wa bibo û merdim çi bawerî, îdeolojî û nijadî ra beno wa bibo, ganî cenazeyêk rê hurmet bêro nîşandayene. Tarîx ra heta ewro bêhurmetîya vera cenazeyan kerdenê îdarekaranê verênan ê. MERKEZÊ XEBERAN