Seyfullah dewa Nederan yê Pasûr de dayî bîyo.  Êşîrê Badikî ra yo.  

Dima ra şîyo Batman û ûca de bîyo pîl. Verêcu seba rizqê xo deyîr vatenê. Vengê eyê zaf weşo. Wexto ke deyîran vano. Zerre însanê veşeno. Adir kewno zerre însanan.
La Seyfullah seranê 1990’an de kewno bin tesîrê Hîzbul-Kontra.
Seba Hîzbulkontra karê deyîrbazî keno.
Seyfullah zaf deyîran bi xo virazeno. Vano,”Mi heta nika 600 deyîr, beyt û îlahî viraştî”.
Zaf beytan bi xo virazeno.
Zaf îlahîyan zî bi xo virazeno.
Giranî deyîr, beyt û îlahîyê Kurmancî û Tirkî vano.
Çi endamê Hîzbul-Kontra benî, çi însanê bîn benî ,hema hema herkesî vengê eyê ra heskerdenê.
Ez raştî vajî, mi zî bi xo tayî deyîr, beyt û îlahîyê eyê goştarî kerdê.
Mi zî vengê eyê ra heskerdenê.
Rojî veyîrtî,Seyfullah karê xirab yê Hîzbul-Kontra fam kerd û Hîzbul-Kontra ra dur kewt.
La reyna sere xo, karê deyîr, beyt û îlahîyan kerdenê. Hina rizqê xo vetenê. Îdarê xo kerdenê.
Yanî fek karê xo ra veranêda.
Emser zî wexto ke, Kurdê dîndar û welatparêzan seba rojê bimbarek yê dayîbîyayîşê Hz.Muhammedî  Amed de bimbarekkerdişek viraşt. Seyfullah zî beşdar bi. Beyt û îlahîyê xo şarê ma ra va.
La endamê Hîzbul-Kontra qehr bîyê.
Nika Seyfullah ra heqeretan kenî. Nuşto nûsnenî.
Namûsê eyê ra, heval û hogirê eyê yanî cinîyê eyê ra zî zewtan kenî. Fek erzenê namûsê eyê.
Seyfullah zî vano, “Ez şima pêronan hevalê Homayî kena”.
Vano,  “Bê edebîye ke şima kenî, Kurdê dîndar zê BDP qet û qet çîyê hina nêkerdo”.
Ez vendana pêronê Şarê Kurdî va herkes wayîrê Seyfullan bivejîyo.
No Hîzbul-Kontrayîj wehşî.  Destê înan ra pêronê xirabiyan benî.
Wa haye herkes bibo. Çunke Seyfullah Mazlûmo.
Wayîr vejîyayîşê Mazlûman wezîfe ma pêronê Mazlûmano.